Explanation

The meaning in a few plain lines

Annabi yo jam e kisal ngon e makko ina ɓanngina wonde jiyaaɗo gooŋɗinɗo Alla e ñalawma cakkatiiɗo mbo battane makko ngoni e junngo Makko e yoɓde mbo golle makko, gooŋɗingol mum ina hirjina ɗum e gollude ɗe golle garooje: Gadanel: Haalde ko moƴƴi: Subahinaade e innude Alla, e yamirde ko moƴƴi, e haɗde ko boni, e moƴƴinde hakkunde yimɓe, si o waɗaani ɗuum yo o deƴƴu o waasa lorde o nannga ɗemngal makko. Ɗimmel ngel woni Teddinde koɗo: Ɗuum woni moƴƴude e makko e waasde mbo lorde. Tataɓel: Teddinde koɗo garɗo ngam juuraade mbo: Teddinirde mbo haala welka e ñamri ñaamdu e ko nanndi e ɗuum.