Explanation

The meaning in a few plain lines

ណាពី ﷺ លោកបានប្រាប់ថា ជាការពិតណាស់ សេចក្តីជំនឿ(អ៊ីម៉ាន) គឺមានខ្នែង និងផ្នែករបស់វាជាច្រើនដែលគ្របដណ្តប់ទាំងគោលជំនឿ ទង្វើ និងពាក្យសម្តី។ ចំពោះផ្នែកដែលខ្ពង់ខ្ពស់ជាងគេ និងល្អប្រសើរជាងគេ គឺការពោលពាក្យ៖ لَا إلَهَ إِلَّا اللَّهُ (គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដ លើកលែងតែអល់ឡោះ)ដោយដឹងពីអត្ថន័យរបស់ពាក្យនេះ អនុវត្តតាមនូវអ្វីដែលពាក្យនេះទាមទារ ពោលគឺ ពិតប្រាកដណាស់អល់ឡោះជាម្ចាស់ គឺជាព្រះជាម្ចាស់តែមួយគត់ដែលសក្តិសមនឹងគេគោរពសក្ការៈដោយគ្មានអ្នកផ្សេងក្រៅពីទ្រង់ឡើយ។ ចំណែកឯទង្វើដែលបង្ហាញពីសេចក្តីជំនឿដែលទាបជាង គឺការយកនូវអ្វីដែលអាចបង្កគ្រោះថ្នាក់ដល់មនុស្សចេញពីផ្លូវដើររបស់ពួកគេ។ បន្ទាប់មក ណាពី ﷺ លោកបានប្រាប់ថា ពិតប្រាកដណាស់ ភាពខ្មាសអៀន ក៏ជាផ្នែកមួយនៃជំនឿផងដែរ។ វាជាសីលធម៌មួយដែលជំរុញមនុស្សឲ្យធ្វើអំពើល្អ និងបោះបង់អំពើអាក្រក់។