သန့်ရှင်းစင်ကြယ်မှု။

ဝုဿွူပြုခြင်း။

8 hadiths

8 hadiths

အဗူဟုရိုင်ရဟ်(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်)မိန့်ကြားတော်မူသည်။ မွတ်စ်လင်မ် (သို့မဟုတ်) မုအ်မင်န် ကျေးကျွန်တစ်ဦးသည် ဝုဿွူပြုသည့်အခါ ၎င်း၏မျက်နှာကိုဆေးကြောလိုက်ပါက သူ၏မျက်လုံးနှင့်ကြည့်၍ ကျူးလွန်ခဲ့သည့် အပြစ်တိုင်းသည် ရေနှင့်အတူ (သို့မဟုတ်) နောက်ဆုံးရေစက်နှင့်အတူ မျက်နှာမှကျဆင်းသွားမည်။ ၎င်းသည်မိမိလက်နှစ်ဖက်ကို ဆေးကြောသည့်အခါ လက်ဖြင့်ကျူးလွန်ခဲ့သည့် အပြစ်တိုင်းသည် ရေနှင့်အတူ (သို့မဟုတ်) နောက်ဆုံးရေစက်နှင့်အတူ လက်မှကျဆင်းသွားမည်။ ၎င်းသည်မိမိခြေနှစ်ဖက်ကို ဆေးကြောသည့်အခါ ခြေဖြင့်လျှောက်လှမ်း၍ ကျူးလွန်ခဲ့သည့် အပြစ်တိုင်းသည် ရေနှင့်အတူ (သို့မဟုတ်) နောက်ဆုံးရေစက်နှင့်အတူ ခြေထောက်မှကျဆင်းသွားမည်။ နောက်ဆုံး အပြစ်များမှကင်းစင်၍ ထွက်လာမည်ဖြစ်သည်။رواه مسلم

عن أبي هريرة رضي الله عنه مرفوعًا: «إِذَا لَبِسْتُم، وَإِذَا تَوَضَّأتُم، فَابْدَأُوا بَأَيَامِنُكُم».رواه أبو داود واللفظ له، والترمذي وابن ماجه وأحمد

عن أبي هريرة رضي الله عنه قال قال رسول الله صلى الله عليه وسلم : ((إن أمتي يُدْعَون يوم القيامة غُرًّا مُحَجَلِّين من آثار الوُضُوء)). فمن اسْتَطَاع منكم أن يُطِيل غُرَّتَه فَليَفعل. وفي لفظ لمسلم: ((رأَيت أبا هريرة يتوضَّأ، فغسل وجهه ويديه حتى كاد يبلغ المنكبين، ثم غسل رجليه حتى رَفَع إلى السَّاقين، ثم قال: سمعت رسول الله صلى الله عليه وسلم يقول: إنَّ أمتي يُدْعَون يوم القيامة غُرًّا مُحَجَّلِين من آثار الوُضُوء)) فمن استطاع منكم أن يطيل غُرَّتَه وتَحْجِيلَه فَليَفعَل. وفي لفظ لمسلم: سمعت خليلي صلى الله عليه وسلم يقول: ((تَبْلُغ الحِليَة من المؤمن حيث يبلغ الوُضُوء)).الرواية الأولى: متفق عليه. الرواية الثانية: رواها مسلم. الرواية الثالثة: رواها مسلم

အဗူဟူရိုင်ရဟ် (ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။ ဟဒတ်စ် (ဝူဿွူပျက်ခြင်း) ဖြစ်သွားလျှင် ဝူဿွူပြန်မလုပ်မချင်း အသင်တို့အနက် မည်သူ၏ဆွလာသ်ကိုမျှ အလ္လာဟ်အရှင်မြတ်က လက်ခံတော်မူမည် မဟုတ်ပေ။متفق عليه

အွတ်စ်မာန်ဗင်န်အဖ္ဖာန် (ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။ အကြင်သူသည် ဝုဿွူရေသန့်စင်ခြင်းအား ကောင်းမွန် ပြည့်စုံအောင်ပြုလုပ်မည်ဆိုလျှင် သူ၏ခန္ဓာကိုယ်မှ အကုသိုလ်များ ကင်းစင်သွားမည်ဖြစ်ပြီး လက်သည်းအောက်ရှိ အကုသိုလ်များပါ ကင်းစင်သွားမည်ဖြစ်သည်။رواه مسلم

အဗူဟုရိုင်ရဟ် (ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။ အသင်တို့ထဲမှ တစ်ဦးတစ်ယောက်သည် အိပ်စက်ခြင်းမှ နိုးထလာသောအခါ နှာခေါင်းထဲ ရေရှူသွင်း ရှူထုတ်လုပ်ပြီး သုံးကြိမ်ဆေးကြောပါ။အဘယ်ကြောင့်ဆိုသော် ရှိုင်သွာန်သည် ထိုသူ၏ နှာ ခေါင်းအရင်း၌ ညတာကုန်ဆုံး ( အိပ်စက် ) ခဲ့ခြင်းကြောင့်ဖြစ်သည်။متفق عليه

လကီးသ်ွ ဗင်န် ဆွဗိရဟ် (ရဿွိယလ္လာဟုအန်ဟု)က ဆင့်ပြန်ခဲ့သည်။ ကျွန်ုပ်သည် ဗနီမွန်သဖိက်အဖွဲ့၏ခေါင်းဆောင်အဖြစ် (သို့မဟုတ် ဗနီမွန်သဖိက်အဖွဲ့ဝင်တစ်ဦးအဖြစ်) တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ထံသို့ လာရောက်ခဲ့သည်။ ၎င်းက ဆက်လက်ပြောပြခဲ့သည်။ ကျွန်ုပ်တို့သည် တမန်တော်မြတ်ထံရောက်သောအခါ အလ္လာဟ်အရှင်မြတ်၏ ရစူလ်တမန်တော်အား အိမ်၌မတွေ့ရ‌ပါ။ ကျွန်ုပ်တို့သည် အွမ္မုလ်မုအ်မီနီးန် အာအိရှဟ် (ရဿွိယလ္လာဟုအန်ဟာ) ကိုသာတွေ့ခဲ့ရသည်။ သခင်မသည် ကျွန်ုပ်တို့အတွက် 'ခဇီးရာ' (ဂျုံနှင့် နို့ဖြင့်ရောချက်ထားသည့်မုန့်တစ်မျိုး) ချက်ခိုင်းခဲ့သည်။ ထို့နောက် ကျွန်ုပ်တို့အတွက်(ယင်းမုန့်နှင့်အတူ) ကိနာအ် ( စွန်ပလွံသီးများထည့်ထားသော ပန်းကန်တစ်ချပ်ကို ) ယူဆောင်လာခဲ့သည်။ ထို့နောက် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ကြွလာခဲ့ပြီး၊ "သင်တို့ တစ်ခုခုစားပြီးကြပြီလား သို့မဟုတ် သင်တို့အတွက် တစ်ခုခုချက်ပြုတ်ခိုင်းခဲ့သလား" ကျွန်တော်တို့က "ဟုတ်ကဲ့၊ (စားခဲ့ပြီးပါပြီ)အိုအလ္လာဟ်ရဲ့ရစူလ်တမန်တော်" ဟု လျှောက်ထားခဲ့ကြသည်။ ထို့နောက် ကျွန်ုပ်တို့သည် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)နှင့်အတူထိုင်နေစဉ် ရုတ်တရက်ပင် သိုးထိန်းတစ်ဦးသည် မွေးမြူရေးခြံသို့ သိုးများကို မောင်းနှင်လာခဲ့သည်။ သူနှင့်အတူ သိုးကလေးတစ်ကောင်လည်း မြည်တမ်းလျက် လိုက်ပါလာသည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်) က (သိုးထိန်းကို) မေးတော်မူသည်မှာ - “အို- ပုဂ္ဂိုလ် အသင့်သိုးမသည် (အထီး ၊ အမ) မည်သည့်အရာကို မွေးဖွားခဲ့သနည်း။ ထိုသူက "အမ" ဟု ဖြေဆိုခဲ့သည်။ တမန်တော်မြတ်က "သို့ဆိုလျှင် သူ့အစား ဆိတ်မတစ်ကောင်ကို ကျွန်ုပ်တို့အတွက် ဇ‌ဗဟ်လုပ်လိုက်ပါ" ဟု မိန့်တော်မူခဲ့သည်။ ထို့နောက် (လကီးသ်ွထံသို့ လှည့်၍) မိန့်တော်မူခဲ့သည်မှာ - “ ကျွန်ုပ်တို့သည် ထိုဆိတ်မကို သင့်အတွက် သတ်ခဲ့သည်ဟု လုံးဝမထင်လေနှင့်။ အမှန်မှာ ကျွန်ုပ်ထံတွင် သိုးတစ်ရာရှိပြီး ကျွန်ုပ်တို့သည် (ထိုအရေအတွက်ကို) ထပ်တိုးရန် မလိုလားကြပါ။ ထို့ကြောင့် သိုးထိန်း၏ (သိုးမများသည် ) ‘အမ ’မွေးပါက ထိုအစား ဆိတ်မတစ်ကောင်ကို ကျွန်ုပ်တို့ ဇဗဟ်လုပ်လေ့ရှိသည်။" လကီးသ်ွက ပြောပြခဲ့သည်မှာ - ကျွန်ုပ်က "အို- အလ္လာဟ်အရှင်မြတ်၏ ရစူလ်တမန်တော်၊ ကျွန်တော်မျိုးတွင် ဇနီးတစ်ဦးရှိပါသည်။ သူမ၏ နှုတ်လျှာတွင် တစ်စုံတစ်ရာ (အပြစ်အနာအဆာ) ရှိပါသည်။ (ဆိုလိုသည်မှာ ဆဲဆိုကြမ်းတမ်းသော စကားများ ပြောတတ်ပါသည်) ဟု လျှောက်ထားခဲ့သည်။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က "သို့ဆိုလျှင် သင်သည် သူမအား ကွာရှင်းပစ်လော့" ဟု မိန့်တော်မူခဲ့သည်။ ကျွန်ုပ်က "အို- အလ္လာဟ်အရှင်မြတ်၏ ရစူလ်တမန်တော်၊ ကျွန်တော်မျိုးသည် သူမနှင့်အတူ ကာလကြာမြင့်စွာနေထိုင်ခဲ့ပါသည်၊ သူမနှင့်ရရှိထားသည့် ကျွန်တော်မျိုး၏သားသမီးများလည်း ရှိပါသည်" ဟု ပြောခဲ့သည်။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က " သို့ဆိုလျှင် သင်သည် သူမအား အမိန့်ပေးဆုံးမပါလေ၊ အကယ်၍ သူမတွင် ကောင်းမှုရှိပါက သူမသည် နာခံလိမ့်မည်ဖြစ်သည်။ ထို့ပြင် သင်သည် သင့်ကျွန်မကို ရိုက်နှက်သကဲ့သို့ သင့်ဇနီးကို ရိုက်နှက်ခြင်း မပြုလေနှင့်" ဟု မိန့်တော်မူခဲ့သည်။ ထို့နောက် ကျွန်ုပ်က "အို- အလ္လာဟ်အရှင်မြတ်၏ ရစူလ်တမန်တော်၊ ကျွန်တော်မျိုးအား ဝူဿွူပြုလုပ်ခြင်းနှင့်ပတ်သတ်၍ ပြောပြတော်မူပါ"(သင်ကြားပေးတော်မူပါ) ဟု လျှောက်ထားခဲ့သည်။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က "ဝုဿွူကို ကောင်းမွန်ကျနစွာ အပြည့်အဝပြုလုပ်ပါ၊ လက်ချောင်းများကြားကို ရေရောက်အောင် ဆေးကြောပါ၊ အိစ်သင်န်ရှားက် (နှာခေါင်းအတွင်းသို့ ရေထည့်၍ ရှိုက်သွင်းကာပြန်ထုတ်ရာ) ပြုလုပ်ရာတွင် အတိုင်းအထက်အလွန် ကောင်းစွာပြုလုပ်ပါ၊ သို့ရာတွင် အကယ်၍ သင်သည် စောင်မ်ဥပုသ်သီလ စောင့်ထိန်းထားသူဖြစ်ပါက အလွန်အကျွံမပြုလုပ်လေနှင့်။"رواه أبو داود والترمذي والنسائي وابن ماجه

အဗူမာလိက် အလ်အရှ်အရီ(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ တမန်တော်(ဆွလ္လလ္လာဟုအလိုင်းဟိဝစလ္လမ်)မိန့်ကြားတော်မူသည်။ သန့်ရှင်းစင်ကြယ်မှုသည် အီမာန်ယုံကြည်မှု၏ တစ်ဝက်ဖြစ်သည်။ ‘အလ်ဟမ်ဒု လိလ္လာဟ်’သည် မီဇာန်ချိန်ခွင်ကို အချိန်လေး၍ ပြည့်စေမည်။‘စွဗ်ဟာနလ္လာဟ် ဝလ်ဟမ်ဒုလိလ္လာဟ်’ဇိက်ရ်တော်နှစ်ခုသည် (သို့မဟုတ် ဇိက်ရ်တော် တစ်ခုသည်) မိုးကောင်းကင်နှင့်ပထဝီမြေပြင်ကြားကိုပြည့်စေသည်။ ဆွလာသ်သည် နူရ်အလင်းရောင်ဖြစ်သည်။ဆွဒ်ကဟ် အလှူဒါနသည် သက်သေအထောက်ထားဖြစ်သည်။ ‘ဆွဗရ်’သည်းခံခြင်းတရားသည် အလင်းရောင်ဖြစ်သည်။ ကုရ်အာန်ကျမ်းမြတ်သည် သင့်အတွက် သက်သေအထောက်အထား သို့မဟုတ် အသင်နှင့်ဆန့်ကျင်ဘက် သက်သေအထောက်အထားဖြစ်သည်။ လူတိုင်းသည် နံနက်စောစော(ရိုဇီရိက္ခာရှာဖွေရန်)ထွက်သွားကြပြီး မိမိကိုယ်မိမိ ရောင်းချလိုက်သည်။ ထို့ကြောင့် အချို့သည် မိမိကိုယ်ကို(ဂျဟန္နမ်မှ) လွတ်မြောက်စေပြီး အချို့သည် မိမိကိုယ် ကို(ဂျဟန္နမ်ထဲသို့ကျရောက်စေကာ) ပျက်စီးဆုံးရှုံးစေသည်။رواه مسلم