Explanation

The meaning in a few plain lines

ណាពី ﷺ បានប្រាប់អំពីឧបការគុណ(នៀកម៉ាត់)ដ៏ធំធេងពីរយ៉ាងក្នុងចំណោមឧបការគុណនានារបស់អល់ឡោះដែលមនុស្សជាច្រើនបានទទួលនូវភាពខាតបង់ដោយសារតែពួកគេចាត់ចែងវាមិនបានត្រឹមត្រូវ។ នៅពេលដែលមនុស្សម្នាក់មានទាំងសុខភាពល្អ និងពេលទំនេរ ហើយពួកគេឱ្យភាពខ្ជិលច្រអូសគ្រប់គ្រងលើការគោរពប្រតិបត្តិ(ធ្វើអំពើល្អ) នោះពួកគេគឺជាអ្នកខាតបង់។ នេះគឺជាស្ថានភាពរបស់មនុស្សភាគច្រើន។ ប៉ុន្តែប្រសិនបើពួកគេប្រើពេលទំនេរនិងសុខភាពរបស់ខ្លួនក្នុងការគោរពប្រតិបត្តិចំពោះអល់ឡោះវិញ នោះពួកគេគឺជាអ្នកដែលចំណេញ ដោយសារតែលោកិយ គឺជាកន្លែងដាំដុះសម្រាប់ថ្ងៃបរលោក និងជាកន្លែងធ្វើពាណិជ្ជកម្មដែលផលចំណេញរបស់វានឹងបង្ហាញនៅថ្ងៃបរលោក។ ពេលទំនេរនឹងត្រូវបានជំនួសដោយភាពរវល់ ហើយសុខភាពល្អនឹងត្រូវបានជំនួសដោយជំងឺ។ ប្រសិនបើរបស់ទាំងនេះបាត់ទៅ ហើយសល់តែភាពចាស់ជរាតែមួយមុខក៏គ្រប់គ្រាន់ប្រសើរជាងគ្មានដែរ។