Explanation

The meaning in a few plain lines

ណាពី ﷺ លោកបានប្រាប់ថា ពិតប្រាកដណាស់ អល់ឡោះជាម្ចាស់ទ្រង់បានមានបន្ទូលថា៖ មនុស្សបីប្រភេទដែលយើងនឹងឈ្លោះជាមួយពួកគេនៅថ្ងៃបរលោក ហើយជនណាដែលយើងឈ្លោះជាមួយ គឺយើងច្បាស់ជាឈ្នះជននោះជាមិនខានគឺ៖ ទីមួយ៖ អ្នកដែលស្បថនឹងអល់ឡោះ និងបានចុះកិច្ចសន្យាក្នុងនាមអល់ឡោះ ក្រោយមក គេបែរជាបំពាន និងក្បត់ទៅវិញ។ ទីពីរ៖ អ្នកដែលលក់មនុស្សដែលមានសេរីភាពដោយចាត់ទុកថាជាទាសករ ហើយទទួលទាន និងចាត់ចែងកម្រៃដែលបានពីការលក់នោះ។ ទីបី៖ អ្នកដែលជួលកម្មករឲ្យធ្វើការងារអ្វីមួយ ហើយកម្មករនោះបានបំពេញកាតព្វកិច្ចរបស់ខ្លួនបានយ៉ាងល្អ ប៉ុន្ដែរូបគេបែរជាមិនផ្តល់ថ្លៃឈ្នួលដល់កម្មករនោះទៅវិញ។