«سه‌وبان (خودێ ژێ ڕازی بیت) دبێژیت: ئه‌گه‌ر پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ژ نڤێژا خۆ ب دویماهیك هاتبا؛ دا سێ جاران ئیستیغفاران كێشیت (ئانكو دا سێ جاران بێژیت: أستغفر الله)، پاشی دا بێژیت: ((خودایێ من؛ تو سه‌لامی (ئێك ژ ناڤێن ته‌یه)، سه‌لام و سلامه‌تی ژی ژ ده‌ڤ ته‌یه، تو یێ دویر و پاقژبی ژ هه‌می كێماسییان ئه‌ی خودانێ مه‌زناهی و مه‌ردینییێ))، وه‌لیدی گۆت: من گۆته ئه‌وزاعی: ئیستیغفاركرن چاوایه؟ گۆت: دێ بێژی: أستغفر الله، أستغفر الله.»
ترجمة بالمعنى ·
شرح الحديث
خلاصة المعنى بعبارة ميسّرة
ئه‌گه‌ر پێغه‌مبه‌ر (صه‌لات و سه‌لامێن خودێ ل سه‌ر بن) ژ نڤێژا خۆ ب دویماهیك هاتبا؛ دا بێژیت: أستغفر الله، أستغفر الله، أستغفر الله (ئانكو: خودایێ من؛ ئه‌ز داخوازێ ژ ته دكه‌م تو گونه‌هێن من ژێببه‌ی).
پاشی دا ب ڤێ گۆتنا خۆ: (اللَّهمَّ أنتَ السَّلامُ، ومنْكَ السَّلامُ، تباركْتَ ذا الجَلالِ والإكرامِ) خودایێ خۆ مه‌زنڕاگریت، ڤێجا خودێ یێ پاراستی و سلامه‌ته د سالۆخه‌تێن خۆدا، یێ دویر و پاقژه ژ هه‌می كێماسییان، پاراستن و سلامه‌تی ژ هه‌می نه‌خۆشیێن دونیا و قیامه‌تێ ژی هه‌ر ژ وی دهێنه داخوازكرن نە ژ کەسەکێ دی، و ب ڕاستی خێر و باشییێن خودێ د هه‌ردوو مالاندا (ل دونیا و قیامه‌تێ) گه‌له‌ك زێده بووینه، خودانێ مه‌زناهی و باشی و مه‌ردینییێ.
