Virtues and Mannersژ ئه‌بو هوره‌یره‌ی (خودێ ژێ ڕازی بیت) ژ پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
متاح بـ 71 لغة «ژ ئه‌بو هوره‌یره‌ی (خودێ ژێ ڕازی بیت) ژ پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((خۆ ژ وان هه‌ر حه‌فت گونه‌هێن مرۆڤی دبه‌نه هیلاكێ دویربێخن. گۆتن: ئه‌و كیژكن ئه‌ی پێغه‌مبه‌رێ خودێ؟ گۆت: شرك و هه‌ڤپشك دروستكرن بۆ خودێ، سحر و سێره‌به‌ندی، كوشتنا وێ نه‌فسا خودێ حه‌رامكری بهێته كوشتن، ئه‌و تێنه‌بیت ئه‌گه‌ر ئه‌ڤ كوشتنه ب حه‌قی بیت، خوارنا ڕیبایێ، خوارنا مالێ ئێتیمی، ڕه‌ڤینا ژ به‌رووكا شه‌ڕی ل ده‌مێ جیهادێ و تاوانباركرنا ژنێن پاقژ و باوه‌ردار و بێئاگه‌ھ ب كرنا زینایێ)).»
ترجمة بالمعنى ·
شرح الحديث
خلاصة المعنى بعبارة ميسّرة
پێغه‌مبه‌رێ خودێ (صه‌لات و سه‌لامێن خودێ ل سه‌ر بن) فه‌رمانێ ل ئوممه‌تا خۆ دكه‌ت ئه‌و خۆ ژ حه‌فت گونه‌ھ و تاوانان دویربێخن كو مرۆڤی دبه‌نه هیلاكێ و تێدبه‌ن، و ده‌مێ پرسیار ژێ هاتییه كرن كا ئه‌و گونه‌ھ چنه؟ وی دیار كرن كو ئه‌و ئه‌ڤه‌نه:
ئێك: شریك دروستكرن بۆ خودێ، ئه‌ڤه ژی ب په‌یداكرنا هه‌ڤال و هه‌ڤكویفه‌كی بۆ خودایێ مه‌زن، خۆ ب چ ڕه‌نگێ هه‌بیت و كرنا هه‌ر عیباده‌ته‌كێ هه‌بیت بۆ تشته‌كێ دی ژ بلی خودایێ مه‌زن، پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ب شركێ ده‌ستپێكر، چونكی ئه‌و مه‌زنترین گونه‌هه.
دوو: سحر و سێره‌به‌ندی - كو ئه‌ڤه ژی ده‌ربڕینه ژ هنده‌ك گرێدان و نڤشتی و ده‌رمان و كێشانا هنده‌ك تشتان - و كارتێكرنێ ل له‌شێ وی كه‌سێ سحر لێ هاتییه كرن دكه‌ت، ڤێجا یان وی دكوژیت یان ژی نه‌ساخ دكه‌ت، یان ژی ئه‌ڤ سحره هه‌ڤژینان ژێكڤه دكه‌ت، سحر ژی كارێ شه‌یتانییه و پترییا جۆرێن شركێ خودان نه‌شێت بكه‌ت و بگه‌هیتێ هه‌تا شركێ بۆ خودێ دروست نه‌كه‌ت و هه‌تا خۆ ب هنده‌ك تشتان نێزیكی ڕۆحێن پیس دكه‌ت كو ئه‌و حه‌ز ژێ دكه‌ن.
سێ: كوشتنا وێ نه‌فسا خودێ حه‌رامكری بهێته كوشتن، ب تنێ ئه‌گه‌ر ڕێپێدانه‌كا شه‌رعی هه‌بیت و مه‌زن و ده‌ستهه‌لاتدار دێ ب ڤی كاری ڕابیت.
چار: ئه‌نجامدانا ڕیبایێ، چ ب خوارنا وێ بیت یان ب هه‌ر ڕێكه‌كا دی یا مفا وه‌رگرتنێ بیت.
پێنج: ده‌ستدرێژیكرن ل سه‌ر مال و سامانێ وی زارۆكێ بابێ وی مری و هێشتا ئه‌و بالغ نه‌بوویه.
شه‌ش: ڕه‌ڤینا ژ گۆڕه‌پانا شه‌ڕێ د گه‌ل كافران.
حه‌فت: تاوانباركرنا ئافره‌تێن ئازاد و ده‌همه‌نپاقژ ب كرنا زینایێ، هه‌روه‌سا تاوانباركرنا زه‌لامێ ده‌همه‌نپاقژ ژی.
- المصدر
- متفق عليه
ستُحفظ الصورة بجودتها الأصلية
