ئه‌بو هوره‌یره (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
متاح بـ 63 لغة
«ئه‌بو هوره‌یره (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((ب ڕاستی گرانترین نڤێژ ل سه‌ر مونافقان نڤێژا عه‌یشا و نڤێژا سپێدێیه و ئه‌گه‌ر وان زانیبا كا چ خێر و خه‌لات تێدانه، دا هێنێ ئه‌گه‌ر خۆ ل سه‌ر چۆكان بایه، و من كربوو دلێ خۆ كو فه‌رمانێ بكه‌م قامه‌ت بۆ نڤێژێ بهێته گرتن و پاشی فه‌رمانێ ل زه‌لامه‌كی بكه‌م نڤێژێ ل به‌را خه‌لكی بكه‌ت، پاشى د گه‌ل هنده‌ك زه‌لامان چه‌ند باره‌كێن داران د گه‌ل خۆ ببه‌م و بچینه وی خه‌لكێ ئاماده‌یی نڤێژێ نه‌بووین و خانیێن وان ب سه‌ر واندا ب سۆژم)).»
ترجمة بالمعنى ·
شرح الحديث
خلاصة المعنى بعبارة ميسّرة
پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ مونافقان و ته‌مبه‌لییا وان بۆ ئاماده‌بوونا نڤێژێ دكه‌ت، ب تایبه‌ت نڤێژا عه‌شا و سپێدێ، و دبێژیت: ئه‌گه‌ر وان قه‌درێ خێرا ئاماده‌بوونا د گه‌ل جه‌ماعه‌تێ زانیبا، دا وه‌كی زارۆكان ب سه‌ر ده‌ست و چۆكان هێن، تنێ دا ب گه‌هنێ.
پێغه‌مبه‌ری (صه‌لات و سه‌لامێن خودێ ل سه‌ر بن) ب ته‌مامی كره دلێ خۆ كو فه‌رمانێ بكه‌ت قامه‌ت بۆ نڤێژێ بهێته گرتن و زه‌لامه‌كی بدانیته جهێ خۆ كو نڤێژێ ل به‌را خه‌لكی بكه‌ت، پاشی د گه‌ل هنده‌ك زه‌لامان بچیت و چه‌ند باره‌كێن داران د گه‌ل خۆ ببه‌ت و بچنه وی خه‌لكێ ئاماده‌یی نڤێژێ نه‌بووین و خانییێن وان ب سه‌ر واندا ب سۆژیت، ژ به‌ر مه‌زناهییا وێ گونه‌ها وان كری، - به‌لێ وه نه‌كر - ژ به‌ر هه‌بوونا ژن و زارۆكێن بێگونه‌ھ و كه‌سێن خودان هێجه‌ت و ئه‌گه‌رێن شه‌رعی د ناڤ مالاندا، یێن كو د بێ گونه‌هن .
