«ژ ئه‌بو مه‌سعوودێ ئه‌نصاڕی (خودێ ژێ ڕازی بیت) گۆت: زه‌لامه‌ك هاته ده‌ڤ پێغەمبەری (صه‌لات و سه‌لامێن خودێ ل سه‌ر بن) و گۆت: ده‌وارێ من یێ مری، ڤێجا ده‌واره‌كی بده من لێ سویار بم، ئینا گۆت: ((من (چ ده‌وار) نینن))، ئینا زه‌لامه‌كی گۆت: ئه‌ی پێغه‌مبه‌رێ خودێ؛ ئه‌ز دێ به‌رێ وی ده‌مه ئێكی كو ده‌واره‌كی بده‌تێ، پێغەمبەرێ خودێ (صه‌لات و سه‌لامێن خودێ ل سه‌ر بن) گۆت: ((هەر کەسێ به‌رێ ئێكی بده‌ته خێر و باشییه‌كێ، دێ هندی وی كه‌سێ وێ خێرێ دكه‌ت؛ خێر گه‌هیته وی كه‌سێ به‌رێ وی دایێ)).»
ترجمة بالمعنى ·
شرح الحديث
خلاصة المعنى بعبارة ميسّرة
زه‌لامه‌ك هاته ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ده‌وارێ من یێ مری، ڤێجا ده‌واره‌كی بده من دا لێ سویاربم و من ب هه‌لگریت و من بگه‌هینیته جهێ من دڤێت بچمێ، پێغه‌مبه‌ری (صه‌لات و سه‌لامێن خودێ ل سه‌ر بن) داخوازا لێبوورینێ ژێ خواست و گۆتێ كو چ ده‌وار د ده‌ستێ ویدا نینن وی لێ سویار بكه‌ت و بده‌ته وی، ئینا زه‌لامه‌كێ ل وێرێ ئاماده گۆت: ئه‌ی پێغه‌مبه‌رێ خودێ؛ ئه‌ز دێ به‌رێ وی ده‌مه كه‌سه‌كی كو ئه‌و دێ ده‌واره‌كی ده‌ته وی و لێ سویار كه‌ت، له‌وا پێغه‌مبه‌ری (صه‌لات و سه‌لامێن خودێ ل سه‌ر بن) ده‌نگوباس دا وی كه‌سی كو ئه‌و ژی هه‌ڤپشك و شریكێ وێ خێرێیه، چونكی ئه‌وی به‌رێ كه‌سێ پێدڤی دا وی كه‌سی.
