Explanation

The meaning in a few plain lines

Пратеникот, салаллаху алејхи ве селем, не ги оставил и секогаш, навечер и наутро, овие дови ги изговарал: „Аллахумме, инни еселукeл-’афијете“ Аллаху мој, Те молам за благосостојба и сигурност од болестите, неволјите и тешкотиите на овој свет, „фиддунја вел ахирети“ на овој и на идниот свет, сега додека живеам и подоцна кога ќе бидам оживеан. „Аллахумме, инни ес‘елукeл-’афве“ Аллаху мој, Те молам да ми простиш и да ми ги избишеш гревовите „вел-’афијете“ и да ми дадеш благосостојба и сигурност од било какви маани, „фи дини“ во мојата вера, како што се многубоштвото, иноверноста и гревовите, „ве дуњаје“ во мојот живот, како што се искушенијата, незгодите и лошите работи, „ве ехли“ во моето семејство, мојата сопруга, децата и блиските роднини, „ве мали“ и во мојот имот или работата. „Аллахумме-стур ‘аврати“ Аллаху мој, сокриј ги моите недостатоци, и маните кои ги поседувам, како и пропустите кои ги правам „ве амин рев’ати“ и смири ме во тешките моменти, кога стравувам и се плашам. „Аллахумме-хфезни“ Аллаху мој, чувај ме, и оддалечи ги несреќите, неволјите и штетите од мене, „мин бејни једејје ве мин халфи ве ‘ан јемини ве ‘ан шимали ве мин февки“ од предната и од задната страна, од десната и од левата страна, и одозгора, со ова Пратеникот се молеше да го сочува од сите страни, бидејќи несреќите и неволјите му доаѓаат на човекот од едната од овие страни. „ве е’узу би азаметике ен угтале“ и барам заштита преку Твојата Величина да не бидам проголтан, зграпчен, да не бидам уништен неочекувано, без да бидам подготвен, „мин тахти“ одоздола, така што ќе пропаднам.