Yii a Zaynab Bint Ǧahš nengẽ (Wẽnd yard be a yĩnga) tɩ ad Nabiyaamã (Wẽnd pʋʋsg la A tɩlgr be a yĩnga) kẽe a nengẽ t'a yaa sẽn digmsi, n yetẽ:
Available in 55 languages
«Yii a Zaynab Bint Ǧahš nengẽ (Wẽnd yard be a yĩnga) tɩ ad Nabiyaamã (Wẽnd pʋʋsg la A tɩlgr be a yĩnga) kẽe a nengẽ t'a yaa sẽn digmsi, n yetẽ: «Laa ɩlaaha ɩlla Allaah= soab sẽn na n tũ sɩd-sɩd ka be, sã n pa Wẽnd ye, wɩɩbd be ne laarab-rãmb ne yel-wẽng sẽn kolge, b paka a Yaaguug la a Maaguug gɩdrã rũndã wala wãndɩ». La a gilg a nu-bi-raoogã ne a nug-bi-tεεsdgã sẽn yεg-a wã, t'a Zaynab Bint Ǧahš yeele: Wẽnd Tẽn-tʋʋmã: b na n halka tõndo, tɩ nin-sõma yaool n be tõnd sʋkã? T'a yeele: «N-yee tɩ yel-wẽnã sã n wʋsge».»
Meaning translation ·
Explanation
The meaning in a few plain lines
Nabiyaamã (Wẽnd pʋʋsg la A tɩlgr be a yĩnga) a kẽe a Zaynab Bint Ǧahš nengẽ (Wẽnd yard be a yĩnga) ne yɩɩgr la yεεsgo, n yeele: Laa ɩlaaha ɩlla Allaah= soab sẽn na n tũ sɩd-sɩd ka be, sã n pa Wẽnde. Tɩ yaa sẽn yεεsd yel-wẽng yɩɩbo, põs n yi-a ka be, rẽnda ne lebs-m-meng Wẽnd nengẽ (A Naam yɩlg yã), rẽ poorẽ tɩ (Wẽnd pʋʋsg la A tɩlgr be a yĩnga) yeele: Wɩɩbd be ne laarab-rãmbã ne yel-wẽng sẽn kolge, b paka a Yaaguug la a Maaguug gɩdrã rũndã, la yẽnda yaa kogr ning a Zulkarnayn sẽn me wã, wala woto, la a maan gilg a nug-bi-raoogã ne a nug-bi-tεεsdgã sẽn pʋgd-a wã, La a Zaynab Bint Ǧahš yeel yã (Wẽnd yard be a yĩnga): yɩta a wãna tɩ Wẽnd rʋʋg tõnd halkre, tɩ mik tɩ muumin-rãmb la nin-sõma bee tõnd sʋka? Tɩ Nabiyaamã yeel-a (Wẽnd pʋʋsg la A tɩlgr be a yĩnga): Wẽngã la dĩin-yiirã la sãangã la Wẽn-kɩɩsgã la yoobã la rãamã yũub la zẽng sẽn ka rẽnda sã n wʋsge, rẽnd halkrã na n gũbga nebã gilli.
Source
B zemsa taab a zugu (A Al-Bʋẖaariy la a Muslim n reeg-a)
