Explanation

The meaning in a few plain lines

ਅੱਲਾਹ ਦੇ ਨਬੀ ﷺ ਨੇ ਦੱਸਿਆ ਹੈ ਕਿ ਇਨਸਾਨ ਦੀ ਮੌਤ ਦੇ ਨਾਲ ਉਸਦੇ ਅਮਲਾਂ ਦਾ ਸਿਲਸਿਲਾ ਵੀ ਰੁਕ ਜਾਂਦਾ ਹੈ। ਉਸਨੂੰ ਮੌਤ ਤੋਂ ਬਾਅਦ ਸਵਾਬ ਸਿਰਫ ਤਿੰਨ ਚੀਜ਼ਾਂ ਦਾ ਮਿਲਦਾ ਹੈ, ਕਿਉਂਕਿ ਇਨ੍ਹਾਂ ਦਾ ਸਬੱਬ (ਕਾਰਨ) ਉਹ ਆਪ ਹੁੰਦਾ ਹੈ। ਇਹ ਤਿੰਨ ਚੀਜ਼ਾਂ ਨਿਮਨਲਿਖਿਤ ਹਨ: 1. ਅਜਿਹਾ ਸਦਕਾ ਜਿਸ ਦਾ ਸਵਾਬ ਲਗਾਤਾਰ ਜਾਰੀ ਰਹਿੰਦਾ ਹੈ ਅਤੇ ਕਦੇ ਬੰਦ ਨਹੀਂ ਹੁੰਦਾ। ਜਿਵੇਂ: ਵਕਫ਼ (ਆਪਣੇ ਕਿਸੇ ਜਾਇਦਾਦ ਨੂੰ ਰੱਬ ਦੇ ਨਾਂ ਕਰਨਾ), ਮਸਜਿਦ ਦੀ ਉਸਾਰੀ, ਖੂਹ ਪੁੱਟਵਾਉਣਾ ਆਦਿ। 2- ਅਜਿਹਾ ਇਲਮ (ਗਿਆਨ) ਜਿਸ ਤੋਂ ਲੋਕ ਲਗਾਤਾਰ ਫਾਇਦਾ ਲੈਂਦੇ ਰਹਿਣ। ਜਿਵੇਂ: ਇਲਮੀ ਕਿਤਾਬਾਂ ਲਿਖਣਾ, ਕਿਸੇ ਅਜਿਹੇ ਵਿਅਕਤੀ ਨੂੰ ਸਿੱਖਿਅਤ ਕਰਨਾ ਜੋ ਉਸ (ਅਧਿਆਪਕ) ਦੀ ਮੌਤ ਤੋਂ ਬਾਅਦ ਵੀ ਲੋਕਾਂ ਨੂੰ ਸਿੱਖਿਆ ਪ੍ਰਦਾਨ ਕਰਦਾ ਰਹੇ। 3- ਮੋਮਿਨ (ਈਮਾਨ ਵਾਲੀ) ਅਤੇ ਨੇਕ ਸੰਤਾਨ, ਜੋ ਆਪਣੇ ਮਾਪਿਆਂ ਲਈ ਦੁਆ ਕਰਦੀ ਰਹੇ।