Explanation

The meaning in a few plain lines

ណាពី ﷺ លោកបានប្រាប់ថា ជនណាដែលទន្ទេញចាំដប់អាយ៉ាត់ខាងដើមនៃស៊ូរ៉ោះអាល់កះហ្វី នឹងត្រូវបានគេថែរក្សា និងការពារពីភាពវឹកវររបស់ម៉ាសៀហ ហ្ទាច់ហ្ជាល ដែលនឹងលេចមកនៅសម័យកាលចុងក្រោយ(មុនថ្ងៃបរលោកមកដល់) ហើយអះអាងថាខ្លួនជាព្រះ។ ភាពវឹកវររបស់វា គឺជាភាពវឹកវរដ៏ធំបំផុតនៅលើផែនដីចាប់តាំងពីការបង្កើតណាពីអាហ្ទាំ រហូតដល់ថ្ងៃបរលោក ត្បិតអល់ឡោះជាម្ចាស់បានផ្តល់ឲ្យវានូវអំណាចពិសេសមួយចំនួនដែលវាប្រើដើម្បីល្បួងអ្នកដែលដើរតាមវា។ នោះក៏ព្រោះតែផ្នែកដំបូងនៃស៊ូរ៉ោះអាល់កះហ្វី គឺមានលើកឡើងពីភាពអស្ចារ្យ និងសញ្ញាភស្តុតាងជាច្រើនដែលធំធេងជាងអ្វីដែលហ្ទាច់ហ្ជាលប្រើដើម្បីល្បួងមនុស្សទៅទៀត។ ដូចនេះ ជនណាដែលត្រិះរិះពិចារណាចំពោះអត្ថន័យរបស់វានឹងមិនធ្លាក់ទៅក្នុងការល្បួងរបស់ហ្ទាច់ហ្ជាលឡើយ។ ចំណែកឯនៅក្នុងសេចក្តីរាយការណ៍មួយផ្សេងទៀត៖ ដប់អាយ៉ាត់ចុងក្រោយនៃស៊ូរ៉ោះអាល់កះហ្វី គឺចាប់ពីបន្ទូលរបស់អល់ឡោះ៖ “أفحسب الذين كفروا أن يتخذوا” ។