ئبن عه‌بباس (خودێ ژ هه‌ردووكان ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
متاح بـ 62 لغة
«ئبن عه‌بباس (خودێ ژ هه‌ردووكان ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((فه‌رمان ل من هاتییه كرن كو سوجدێ ل سه‌ر حه‌فت هه‌ستییان ببه‌م: ل سه‌ر ئه‌نییێ -و ب ده‌ستێ خۆ ئاماژه كره دفنا خۆ-، هه‌ردوو ده‌ستان، هه‌ردوو چۆكان و سه‌رێ تبلێن پێیان و كو جلك و پرچا خۆ كۆم نه‌كه‌م)).»
ترجمة بالمعنى ·
شرح الحديث
خلاصة المعنى بعبارة ميسّرة
پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو خودێ فه‌رمان ل وی كرییه ئه‌و د نڤێژێدا سوجدێ ل سه‌ر حه‌فت ئه‌ندامێن له‌شی ببه‌ت، ئه‌و ژی ئه‌ڤه‌نه:
یێ ئێكێ: ئه‌نییه كو ئه‌و ژی ئه‌و پاناتییه یا ل سه‌ر دفنێ و هه‌ردوو چاڤان هه‌ی، و پێغه‌مبه‌ری (صه‌لات و سه‌لامێن خودێ ل سه‌ر بن) ب ده‌ستێ خۆ ئاماژه كره دفنا خۆ، دا دیار بكه‌ت كو ئه‌نی و دفن هه‌ردوو پێكڤه دبنه ئێك ئه‌ندام ژ وان حه‌فتان، و بۆ پشتڕاستكرنێ كو پێدڤییه دفنا وی كه‌سێ سوجدێ دبەت بگه‌هیته ئه‌ردی.
ئه‌ندامێ دووێ و سێیێ: هه‌ردوو ده‌ستن.
یێ چارێ و پێنجێ: هه‌ردوو چۆكن.
یێ شه‌شێ و حه‌فتێ: تبلێن هه‌ردوو پێیانه.
و فه‌رمان ل مه كر ل ده‌مێ سوجده‌برنێ ئه‌م پرچێن خۆ گرێنه‌ده‌ین و جلكێن خۆ ل سه‌ر ئێك كۆم نه‌كه‌ین بۆ پاراستنا وان، به‌لكی ئه‌م دێ وان به‌رده‌ین دا كو ئه‌و ژی ب ئه‌ردی بكه‌ڤن و سوجدێ د گه‌ل ئه‌ندامێن دی ببه‌ن.
