«ژ سوفیانێ كوڕێ عەبدولڵاهێ ثەقەفی (خودێ ژێ ڕازی بیت) گۆت: من گۆت: ئەی پێغەمبەرێ خودێ، ئاخڤتنه‌كێ د ئیسلامێدا بۆ من بێژە کو ژ بلی تە پرسیارێ ژ كه‌سه‌كێ دی نەکەم، گۆت: ((بێژە: من باوەری ب خودێ ئینا، پاشی ل سه‌ر ڤێ گۆتنێ به‌رده‌وامبه و ڕاسته‌ڕێبه)).»
ترجمة بالمعنى ·
شرح الحديث
خلاصة المعنى بعبارة ميسّرة
صه‌حابییێ هێژا سوفیانێ كوڕێ عەبدولڵاهی (خودێ ژێ ڕازی بیت) داخواز ژ پێغەمبەری (صەلات و سەلامێن خودێ ل سەر بن) کر کو ئاخڤتنه‌كێ بۆ وی بێژیت کو هەمی ڕامانێن ئیسلامێ ب خۆڤە بگریت دا ده‌ست پێڤه بگریت و ژ وی پێڤه‌تر پرسیارا كه‌سێ دی نه‌كه‌ت؟ ئینا پێغەمبەری (صەلات و سەلامێن خودێ ل سەر بن) گۆتێ: بێژە: من خودێ ب خودایه‌كێ ب تنێ دانا و چ شریك بۆ چێنه‌كرن و من باوەری ئینا کو ئەو خودان و خودایێ منە و ئه‌و چێكه‌رێ منە و ئه‌ز وی دپه‌رێسم و چ شریکان بۆ دروست ناكه‌ن، پاشی ده‌مێ مرۆڤی ئه‌ڤه گۆت؛ دێ سه‌رچه‌مییایی لێ هێت بۆ فه‌رمان و گوهدانا خودێ ب بجهئینانا فەڕزێن خودێ و هێلانا حەرامێن خودێ و دێ ل سەر ڤێ چه‌ندێ بەردەوام بیت.
