Hadith for the World
Tap the image to view it full size
Yelsõmã lɑ zʋgd-rãmbã

Yii a Abɩɩ Sa’ɩɩd Al-Hʋdry nengẽ la Abɩɩ Hʋrayrat nengẽ (Wẽnd yard be b yiibã yĩnga) tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) a yeelame-:

Available in 62 languages
«Yii a Abɩɩ Sa’ɩɩd Al-Hʋdry nengẽ la Abɩɩ Hʋrayrat nengẽ (Wẽnd yard be b yiibã yĩnga) tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) a yeelame-: «Bũmb ka paamd lɩslaamã sẽn yaa yaamse, la bãase, la yɩɩgre, la sũ-sãanga, la nango, la pakre, halɩ n tʋg n tãag gõaag sẽn kõsd-a, rẽndame tɩ Wẽnd yaaf a tʋʋm tuuti wã ne rẽ sabɑbo».»

Meaning translation ·

Explanation

The meaning in a few plain lines

Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) vẽnegdame n wilgdẽ, tɩ bũmb ning sẽn paamd sẽn yaa bãase la yɩɩre, la sũ-sãamse, la keelem, la masɩɩb-rãmba, la yel-kegemse, la pelεn-yɩka la kom - baa tɩ sã n yɑɑ gõaag n kõs-a tɩ zabdẽ- rẽnda yɩtɑ a zũnuubã yaafgo.

Source
B zemsa taab a zugu (A Al-Bʋẖaariy la a Muslim n reeg-a)
Download image

Saved at original quality

Previous hadithNext hadith

More from this chapter

Yii Abɩɩ Hʋrɑyrɑt nengẽ- Wẽnd yɑrd be ɑ yĩng-ɑ yeelɑme: mɑm wʋmɑ Wẽnd Tẽn-tʋʋmɑ (Wẽnd pʋʋsg la A tɩlgr be a yĩnga) t'ɑ yetẽ: «Lɩslɑɑm hɑkε ɑ lɩslɑɑm tɑɑg zugu, yɑɑ nu: yɑɑ Sɑllem leokre, lɑ bãɑd kɑɑgre, lɑ kũ-rãmb yãɑgre, lɑ bool sɑkre; lɑ tĩsd leokre».B zemsa taab a zugu (A Al-Bʋẖaariy la a Muslim n reeg-a)
Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) tɩ Wẽnd Tẽn-tʋʋmɑ (Wẽnd pʋʋsg la A tɩlgr be a yĩnga) ɑ yeelame: «Sõor waoog zug sẽn bɩr n puki, b sẽn tusd a soab n yit ragnoyẽ, a sã n wẽen tɩ Wẽnd yell zugu, A sɩd manegd-a lame».A Muslim n togs-a
Yii a Gεεbr nengẽ (Wẽnd yard be a yĩnga) tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Wẽnd nɑ yols nedɑ, sẽn yɑɑ bɑs-tɩ-loog t'ɑ sã n nɑ n koose, lɑ ɑ sã n nɑ n dɑ, lɑ ɑ sã n nɑ n sok ɑ sɑmde».A Al-Bʋẖaariy n togs-a
Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) yeelame: «Yõor tẽg yã, yõor tẽg yã, rẽ poorẽ yõor tẽg yã», tɩ b yeele, yaa ãnda Wẽnd Tẽn-tʋʋmã? T'a yeele: «ned sẽn na n mik a rogdb a yiibã, b kãseng sasa, b yiibã yembr, maa b yiibã fãa, n ka kẽ arzãn ye».A Muslim n togs-a
Yii a Abɩɩ Hʋrayrat nengẽ, (Wẽnd yard be a yĩnga), a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme n kẽnd Mak sorã, n pɩʋʋg tãnga, tɩ b boond-a tɩ Gʋmdaan, t'a yeele: «kẽng-y-yã, t'a Gʋmdaan tãng la woto,Ad welgdbã põsame», tɩ b yeele: «yaa ãnda rãmb la welgdbã Wẽnd Tẽn-tʋʋma?» La a yeelyã «Ad yaa sẽn tẽegd-b Wẽnd Yʋʋrã wʋsgã sẽn yɑɑ rap la pagba».A Muslim n togs-a
Yi a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Ned n dɑ be n pengd nebã, lɑ ɑ rɑ yetɑ ɑ tʋʋm biigã: fo sã n kẽng keelem soɑb nengẽ bɩ f bɑs-ɑ, tɩ tõe tɩ Wẽnd yɑɑf n bɑs-do, t'ɑ wɑ mɑɑn kɑɑlem tɩ Wẽnd yɑɑf-ɑ».B zemsa taab a zugu (A Al-Bʋẖaariy la a Muslim n reeg-a)
Yii Abʋʋ Hʋrɑyrɑt nengẽ (Wẽnd yɑrd be ɑ yĩng) ɑ yeelɑme: mɑm wʋmɑ Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) t'ɑ yetẽ: «Mam poorẽ rãmbã fãa yaa sẽn yɑɑf-b rãmbɑ, sã n ka vẽnegdbã, la sẽn be vẽnegrã pʋgẽ, yaa ned sẽn na n maan tʋʋm yʋngo, n vẽeg beoog tɩ Wẽnd luda a bãngo, t'a tʋg n yetẽ: zagla! Ad yʋngẽ mam maana woto la woto, ad yẽ rag n gãanda yʋngẽ t'a Soabã yaa sẽn lud a bãngo, t'a vẽeg beoong n pãrgd Wẽnd sʋtrã (bãn-loeerã) n basd a mengã».B zemsa taab a zugu (A Al-Bʋẖaariy la a Muslim n reeg-a)
عَنْ سَعْدِ بنِ أبي وَقَّاصٍ رَضيَ اللهُ عنه قَالَ: كُنَّا عِنْدَ رَسُولِ اللهِ صَلَّى اللهُ عَلَيْهِ وَسَلَّمَ، فَقَالَ: «أَيَعْجِزُ أَحَدُكُمْ أَنْ يَكْسِبَ، كُلَّ يَوْمٍ أَلْفَ حَسَنَةٍ؟» فَسَأَلَهُ سَائِلٌ مِنْ جُلَسَائِهِ: كَيْفَ يَكْسِبُ أَحَدُنَا أَلْفَ حَسَنَةٍ؟ قَالَ: «يُسَبِّحُ مِائَةَ تَسْبِيحَةٍ، فَيُكْتَبُ لَهُ أَلْفُ حَسَنَةٍ، أَوْ يُحَطُّ عَنْهُ أَلْفُ خَطِيئَةٍ».رواه مسلم