အတ္ထုပ္ပတ္တိနှင့် သမိုင်း။အဘူဗကရ် စွိဒ်ဒီးက် ( ရဿွိယလ္လာဟု အန်ဟု ) ဆင့်ပြန်ပြောကြားခဲ့သည်။
Available in 39 languages «အဘူဗကရ် စွိဒ်ဒီးက် ( ရဿွိယလ္လာဟု အန်ဟု ) ဆင့်ပြန်ပြောကြားခဲ့သည်။ ကျွန်ုပ်တို့သည်( ဆောင်ရ် )လိုဏ်ဂူအတွင်း၌ရှိစဉ် မုရှ်ရိက်များ၏
ခြေထောက်များကို ကျွန်ုပ်တို့၏ဦးခေါင်းများအပေါ်၌ မြင်တွေ့ခဲ့ရသည်။ ထို့နောက် ကျွန်ုပ်က "အို- အလ္လာဟ်၏ရစူလ်တမန်တော်၊ အကယ်၍ သူတို့ထဲမှ တစ်ဦးဦးသည် မိမိ၏ခြေရင်းဘက်သို့ ကြည့်လိုက်ပါက ကျွန်တော်မျိုးတို့အား သူတို့၏ခြေရင်း၌ (ရှိနေသည်ကို )တွေ့မြင်သွားကြမည်ဖြစ်သည်" ဟု ပြောခဲ့သည်။ ထိုအခါ တမန်တော်မြတ် ﷺ က ဤသို့မိန့်ကြားတော်မူသည်-
"အို-အဘူဘကရ်၊ ထိုနှစ်ဦး (တမန်တော်နှင့် အဘူဘကရ်) ပတ်သတ်၍ အသင်မည်သို့ ထင်မြင်ယူဆသနည်း။ အလ္လာဟ်အရှင်မြတ်သည် ( ၎င်းတို့နှစ်ဦးနှင့်အတူ ) တတိယမြောက်အဖြစ် ရှိတော်မူ၏။»
Meaning translation ·
Explanation
The meaning in a few plain lines
မုအ်မင်န်တို့၏ ခေါင်းဆောင် အဘူဘကရ် စွစ်ဒ္ဒီးက် (ရဿွိယလ္လာဟုအန်ဟု)က ဟိဂျ်ရသ်ပြုချိန်၌ ပြော
ကြားခဲ့သည်မှာ- ကျွန်ုပ်သည် မုရှ်ရိက်များ၏ခြေထောက်များကို မြင်တွေ့ခဲ့ရသည်။ သူတို့သည် ဆောင်ရ်လိုဏ်ဂူ၏အပေါ်တွင် ကျွန်ုပ်တို့၏ခေါင်းများအပေါ်၌ ရပ်လျှက်ရှိနေကြပြီး ကျွန်ုပ်တို့သည် လိုဏ်ဂူအတွင်း၌ ရှိနေကြသည်။ ထို့နောက် ကျွန်ုပ်က "အို- အလ္လာဟ်၏ရစူလ်တမန်တော်၊ အကယ်၍ သူတို့ထဲမှ တစ်ဦးဦးသည် မိမိ၏ခြေရင်းဘက်သို့ ကြည့်လိုက်ပါက ကျွန်ုပ်တို့အား သူတို့၏ခြေရင်း၌ တွေ့မြင်သွားကြမည်ဖြစ်သည်" ဟု ပြောခဲ့သည်။ ထိုအခါ တမန်တော်မြတ် ﷺ က "အို- အဘူဘကရ်၊ အလ္လာဟ်အရှင်မြတ်သည် တတိယမြောက်အဖြစ်ရှိတော်မူပြီးအောင်နိုင်မှု၊ ကူညီစောင်မမှု၊ ကာကွယ်စောင့်ရှောက်မှုနှင့် လမ်းညွှန်တည့်မှတ်ပေးသနားတော်မူမည်ဖြစ်သော ထိုနှစ်ဦး (တမန်တော်နှင့် အဘူဘကရ်) ပတ်သတ်၍ အသင်မည်သို့ ထင်မြင်ယူဆသနည်း။
- Source
- متفق عليه
Saved at original quality
