Explanation

The meaning in a few plain lines

ဤဟဒီးစ်တော်တွင် တမန်တော်မြတ် ( ဆွလ္လလ္လာဟုအလိုင်ဟိ ဝစလ္လမ် ) က အလ္လာဟ်အရှင်မြတ်က မိမိ၏ အွမ္မသ်သားများနှင့်ပတ်သတ်၍ သုံးမျိုးသော အခြေအနေတွင် ခွင့်လွှတ်ချမ်းသာပေးထားတော်မူကြောင်းကို တင်ပြထားသည်။ ( ၁ ) မှားယွင်းမှု- ၎င်းသည် တမန်တော်မြတ်၏ အွမ္မသ်ထံမှ မရည်ရွယ်ဘဲ ထွက်ပေါ်လာသော အမှားဖြစ်သည်။ ဆိုလိုသည်မှာ မွတ်စ်လင်မ်တစ်ဦးသည် တစ်စုံတစ်ရာကို ရည်ရွယ်ပြုလုပ်မိသော်လည်း သူ၏လုပ်ဆောင်မှုသည် ရည်ရွယ်ချက်နှင့် မကိုက်ညီဘဲ ဖြစ်သွားခြင်းကို ဆိုလိုသည်။ ( ၃ ) မေ့လျော့ခြင်း - ဆိုလိုသည်မှာ မွတ်စ်လင်မ်တစ်ဦးသည် တစ်စုံတစ်ရာကို မှတ်မိသိရှိနေသော်လည်း လုပ်ဆောင်ချိန်တွင် မေ့လျော့သွားခြင်းဖြစ်သည်။ ထိုသို့သောကိစ္စမျိုးတွင်လည်း အပြစ်မရှိပါ။ ( ၃ ) အတင်းအကျပ်ပြုမှု - လူတစ်ဦးသည် မိမိသ‌ ‌ေဘာ ဆန္ဒမပါရှိဘဲ အရာတစ်ခုခုကို ကျူးလွန်ရန် အတင်းအကျပ်ပြုခံရပြီး၊ ထိုအတင်းအကျပ်ပြုမှုကို ခုခံတွန်းလှန်နိုင်စွမ်းလည်း မရှိချိန်တွင် ထိုသို့ကျူးလွန်မိပါက မည်သည့်အပြစ်တစ်စုံတစ်ရာ မရှိပေ။ သတိပြုရမည့်အချက်မှာ ဟဒီးစ်တော်လာ အ ကြောင်းအရာသည် ဗန်ဒဟ်နှင့် ၎င်း၏အရှင်ကြားတွင်ရှိသော တားမြစ်ထားသောအရာများကို ကျူးလွန်မိခြင်းနှင့်စပ်လျဉ်းသော အခြေအနေကို ရည်ညွှန်းသည်။ သို့ရာတွင် မေ့လျော့မှုကြောင့် ဝါဂျိဗ်(ပြုလုပ်ရမည့်တာဝန်)ကို မပြုလုပ်မိပါက ထိုတာဝန်မှ လွတ်ငြိမ်းခွင့်မရှိပါ။ အလားတူပင် အကယ်၍ ထိုသို့ကျူးလွန်မိမှုကြောင့် အခြားသူအား ထိခိုက်နစ်နာမှုဖြစ်ပွားပါက ဥပမာ - မတော်တဆတစ်စုံတစ်ဦးအား သေဆုံးစေ ပါက ဒီယသ်(သွေးလျော်ကြေး) ပေးဆောင်ရမည် သို့မဟုတ် မတော်တဆ ကားတစ်စီးအား ပျက်စီး‌စေခဲ့ပါက ၎င်းအပေါ်၌ လျော်ကြေးပေးဆောင်ရန်တာဝန်ရှိသည်။ ထိုသို့သောကိစ္စမျိုးတွင် အခြားသူ၏အခွင့်အရေးမှာ မပျောက်ပျက်နိုင်ပါ။