Explanation

The meaning in a few plain lines

Kira b'a màntonw yamaruya nɛɛma ni kisi b'a ye yɔrɔmanjanya la ka bɔ kojugu wolonwula la ani Alasɔsɔhalakikow, tuman min a ɲininka la u la? A y'a bange k'a fɔ: A fɔlɔ: filaninkafɔya, ɲɔgɔnna ni misali kɛli Ala la sanuya b'a ye a kɛra a fasɔn wo fasɔn ye, ani bàto dɔ keli Alakɔrɔtalen tàna ye, A y'a daminɛ filaninkafɔya la k'a da a kan o de ye jurumuw la belebele ye. A filana : kɔrɔtɛ- o bɛ tàli kɛ sirili ni kirisi la ani furaw ni sìsìmafɛnw- min bɛ nɔ bila mɔgɔkɔrɔtelen farìkolo la fàgàli wali bàna la, wali a bɛ furuɲɔgɔnma fila fara, o ye sitanɛbaara de ye, wa a caman tɛ kɛ fo n'a kɛra filaninkafɔya baaraw sira ye ani jinɛ juguw gɛrɛɲɔgɔnna ye ni fɛn ye u bɛ min fɛ. A sabanan: nin bɔli Ala ye min bɔli bàli fo n'a kɛra sariya sira ye kiiritigɛla bɛ min bɔ a sira fɛ. A naaninan: gɔrɔkɔnafolo labaarali n'a dunni, o n'a ɲɔgɔnnaw yɛrɛnafa sira fɛ. A duurunan: ka dan tɛmɛ denmisɛn ka nàfolo kan o min wolofa saara k'a sɔrɔ a ma balikuya. A wɔɔrɔnan: ka boli kafiriw ɲɛ kɛlɛkɛnɛ kan. A wolonwulanan: hɔrɔn taafetangalaw bisikiya ni jɛnɛya ye, o cogoya kelen na k'a cɛmanw bisikiya.