Explanation

The meaning in a few plain lines

Nabiyaamã (Wẽnd pʋʋsg la A tɩlgr be a yĩnga) kõta kibare, n togsd munaafɩgsã yelle, la b sẽn maan kʋɩɩngo ne Pʋʋsgã waoongẽ, sẽn tʋg n yɩɩda, Sãaf la Fagir Pʋʋsgo, la b sã n rag n miẽ keoor la yel-sõmd nins sẽn be b yiibã pʋgẽ, wa lagem lɩslaambã zãma n Pʋʋsã, b rag n na waẽ, baa b na yĩgimd wala biig sẽn yĩgimd ne a nusã lɑ ɑ rũmã. La sɩd la hakɩɩka, Nabiyaamã (Wẽnd pʋʋsg la A tɩlgr be a yĩnga) saagame n na n sagl tɩ b yals Pʋʋsgã, t'a ning ned t'a yɩ lɩmaam n leds Nabiyaamã, n pʋʋs nebã, rẽ poorẽ t'a looge, tɩ neb be ne-a, n zãad ra-kila, n kẽng neb nins sẽn ka seet zamã wã Pʋʋsgã, n tʋg n yõog b zagsã ne bugmã, b sẽn maan bũmb ning sẽn yaa zũnuubã keelem, la a ka maan rẽnda ye, bala bee zagsẽ wã sẽn yaa bãad-rãmba, la koamba, sẽn ka tar zũnuuba la zẽng sẽn ka bãmba, sẽn yaa padams rãmbɑ, zũnuub ka be b zug ne zãma Pʋʋsg paab ye.