Virtue of Prayer

10 hadiths

10 hadiths

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd-tẽntʋʋm yeelame (Wẽnd pʋʋsg A la tɩlgr be a yĩnga): «Ad Pʋʋsg sẽn yɩɩd toog munaafɩgsã zutu, yaa Sãaf la Fagiri, la b sã n dag n mi sẽn be b yiibã pʋgẽ, b rag n na wa n pʋʋs-ba, baa b na n vũnumame, la mam rag n saagame n na n kɩt tɩ b yals Pʋʋsgã, rẽ poorẽ tɩ m sagl ned t'a pʋʋs ne nebã, la m loog ne neba tɩ b zãad bug-vɩlense, n kẽng neb nins nengẽ sẽn ka wat n seed Pʋʋsgã, n yõog-ba ne b rotã».B zemsa taab a zugu (A Al-Bʋẖaariy la a Muslim n reeg-a)

Yii ɑ Abɩɩ Hʋrɑyrɑt nengẽ- Wẽnd yɑrd be ɑ yĩngɑ- tɩ Wẽnd Tẽn-tʋʋmɑ(Wẽnd pʋʋsg la A tɩlgr be a yĩnga) ɑ rɑ yɩ n yetɑme: «Wɑkɑt ɑ nu wã, lɑ arzũm n tɩ tãɑg arzũma, lɑ Rɑmɑdɑɑn n tɩ tãɑg Rɑmɑdɑɑne, b yɑɑfdɑ sẽn be b sʋkã tɩ ned sã n zãɑg zũub bεdã».A Muslim n togs-a

Yii a Ma'ʿadaan ɭbn Abɩɩ Ṭalha Al-ya'ʿamary nengẽ, a yeelame: M sεga a Saobaan sẽn yaa Wẽnd Tẽn-tʋʋma neema lalldã (Wẽnd pʋʋsg la A tɩlgr be a yĩnga) tɩ mam yeel-a: kõ maam kibar ne tʋʋmde tɩ Wẽnd kẽes mɑɑm arzãnã a sabab, t'a sĩndi, tɩ mam sok-a, t'a sĩndi, rẽ poorẽ tɩ mam sok-a noor a tãabo, t'a yeele: mam soka Wẽnd Tẽn-tʋʋma (Wẽnd pʋʋsg la A tɩlgr be a yĩnga) yel-kãngã t'a yeele:«Modg n maan suguud wʋsg Wẽnd yĩnga, ad fo ka maand suguud a yembr Wẽnd yĩnga, rẽndame tɩ Wẽnd zẽk fo dargε ne-a, la A lub fo tʋʋm tuuti ne-a». A Ma'ʿadaan yeelame: rẽ poorẽ mam sεga a Abaa Dardaa'a, tɩ mam sok-a t'a yeel maam wala a Saobaan sẽn yeel maamã.A Muslim n togs-a

Yii a Abɩɩ Hʋrayrat nengẽ, (Wẽnd yard be a yĩnga): m wʋma Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'a yetẽ: «Yãmb yãame, lak kʋɩlg sã n be yãmb yembr fãa zak noore, t'a sood a pʋgẽ, raar fãa noor a nu, fo yetame tɩ rẽgd na n paa a yĩngẽ wã baa kɩdg bɩɩ?» La b yeel yã: baa fʋɩ ka na n pa a rẽgdẽ wã ye. La a yeel yã: «ad rẽnda yaa wala Pʋʋs-rãmb a nu wã, Wẽnd yẽesda tʋʋm-tuuti wã ne rẽnda».B zemsa taab a zugu (A Al-Bʋẖaariy la a Muslim n reeg-a)

Yii a Gʋndub ɭbn Abdʋllaah Alƙʋsayry nengẽ (Wẽnd yard be a yĩnga) a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeelame: "Ned ning sẽn wa n pʋʋsa fagirã, yẽ soab bee Wẽnd gũudum pʋgẽ, sã n yaa woto, bɩ y modg tɩ Wẽnd ra wa bao yãmba A alkaoolẽ wã n ka yã ye, tɩ ad ned ning Wẽnd sẽn wa n bao A alkaoolẽ, A paamd-a lame, rẽ poorẽ t'A fũgun a nengã Gεhannem Bugmẽ wã".A Muslim n togs-a

Yii a Abɩɩ Zʋhayr ʿƲmaara ɭbn Rʋ'ayba nengẽ, (Wẽnd yard be a yĩnga), a yeelame: Wẽnd Tẽn-tʋʋmã yeelame, (Wẽnd pʋʋsg la A tɩlgr be a yĩnga): «Ned kõn n kẽ Bugmẽ wã, ned sẽn pʋʋsa taoor tɩ wĩndgã na n ka puki la taoor t'a na n ka lʋɩ».A Muslim n togs-a

Yii ɑ ʿƲsmɑan nengẽ (Wẽnd yɑrd be ɑ yĩngɑ) ɑ yeelɑme: Mɑm wʋmɑ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) t'ɑ yetẽ: «Lɩslaam ka be sẽn na n wa faril Pʋʋsgo, n maneg a koomã yõgbo, la a maan yĩn-yõgnego a Rukuu wã, rẽndame tɩ Pʋʋsgã yɩ n yaa zũnuub yaafgo, zũnuub-rãmb nins sẽn reng Pʋʋsgã taoorã, t'a sã n ka tʋm zũnuub bedre, la rẽnda yaa a vɩɩmã gill pʋgẽ».A Muslim n togs-a

Yii a Abɩɩ Maalik Al-As-ariy nengẽ, Wẽnd yard be a yĩnga, a yeelame: Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: « yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka, la ad Pʋʋsgã yaa vẽenem, la sãra (doaag) maanego a yaa daliil sẽn wilgd lɩɩmaangã, la ad sugr yaa vẽenem, la Alkʋrãanã a yaa gom lubdga, sẽn na n sõng foom, maa sẽn na n nams foom, ad nebã fãa gilli, b sãta beoogo, n koosd a mengã, be beenẽ sẽn basd a yõor burkĩndi n yi Bugmã, be b pʋgẽ ned sẽn na n halk a yõorã n kẽes-a Bugmã pʋgẽ».A Muslim n togs-a

عن ربيعة بن كعب الأسلمي قال: كنتُ أبيتُ مع رسول الله صلى الله عليه وسلم فأتيتُه بوَضوئه وحاجته فقال لي: «سل» فقلت: أسألك مرافقتك في الجنة. قال: «أو غير ذلك؟» قلت: هو ذاك. قال: «فأعني على نفسك بكثرة السجود».رواه مسلم

عن عائشة عن النبي صلى الله عليه وسلم قال: «ما من ميت تصلي عليه أُمَّةٌ من المسلمين يبلغون مائة، كلهم يشفعون له، إلا شفعوا فيه».رواه مسلم