Obligation of Prayer and Ruling on Its Abandoner

5 hadiths

5 hadiths

Yii a ʿAmr ɭbn Šʋʿayb nengẽ, tɩ yii a baabã nengẽ, tɩ yii a yaab nengẽ: a yeelame: Wẽnd Tẽn-ntʋʋmã, (Wẽnd pʋʋsg la A tɩlgr be a yĩnga) yeelame: «Sagl-y y koambã tɩ b pʋʋse, tɩ b sã n wa tar yʋʋm a yopoe, la y pãb-ba Pʋʋsgã yĩnga tɩ b sã n wa yaa yʋʋm piig koamba, la y welg-b ne taab sʋka, gãasẽ wã».A Abʋʋ Daawʋʋd n togs-a

Yii a Bʋrayda ɭbn Al-haṣɩɩb nengẽ (Wẽnd yard be a yĩnga) a yeelame: Yãg-y n pʋʋs Laasare, tɩ Nabiyaamã (Wẽnd pʋʋsg la A tɩlgr be a yĩnga) yeelame: «Ned ning sẽn basa Laasar Pʋʋsgo, a tʋʋm lʋɩɩme»A Al-Bʋẖaariy n togs-a

Yii a ʿAbdʋllaah ɭbn ʿƲmar nengẽ, (Wẽnd yard be a yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) yeelame: «B mee lɩslɑɑngã zeng-raad a nu zugu, yaa kõ sɩda tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsgã yãnesgo, la Zak kũuni, la Roogã kaagre, la Ramadaanã no-loeere».B zemsa taab a zugu (A Al-Bʋẖaariy la a Muslim n reeg-a)

Yii a Anass ɭbn Maalik nengẽ ( Wẽnd yard be a yĩnga): tɩ yii Nabiyaamã, (Wẽnd pʋʋsg la A tɩlgr be a yĩnga) t'a yeelame: «Ned ning sẽn yĩma Pʋʋsgo, bɩ a pʋʋs-a a sẽn wa n tẽege, a ka tar sẽn na n maan n role, sã n ka woto ye: {yãnes Pʋʋsgã Mɑm yʋʋrã tẽegr yĩnga}: [Toɑhɑɑ: 14]».B zemsa taab a zugu (A Al-Bʋẖaariy la a Muslim n reeg-a)

Yii a Gεεbir nengẽ (Wẽnd yard be ɑ yĩngɑ) ɑ yeelɑme: m wʋma Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) t'ɑ yetẽ: «Ad bũmb ning sẽn be ne ned la lagem-n-taarã la kɩfẽndã sʋka, yaa Pʋʋsg basbo».A Muslim n togs-a