Yii a ʿƲbaadat nengẽ (Wẽnd yard be ɑ yĩngɑ) tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) a yeelame :
Available in 62 languages
«Yii a ʿƲbaadat nengẽ (Wẽnd yard be ɑ yĩngɑ) tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) a yeelame : «Ned ning sẽn wa n maan tɩ soab sẽn na n tũ n tɩlg ka be, rẽnda Wẽnd A Yembre, lagem-n-taar ka be ne-A la a Mʋhammad yaa Wẽnd yamba la A Tẽn-tʋʋma, la a Yiisa yaa Wẽnd yamba n yaa A Tẽn-tʋʋmã, la A Gomd A sẽn kõ a Maryam nengẽ, la Vʋʋsg sẽn yi A nengẽ, la arzãnã yaa sɩda, la Bugmã yaa sɩda, Wẽnd kẽed-a-la arzãna a sẽn tʋg n tʋm tɩ yaa a soab fãa gilli».»
Meaning translation ·
Explanation
The meaning in a few plain lines
Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) kõta kibare, ne ned ning sẽn gom ne Tawhɩɩdã( Wẽn-yembgã) gom-bilã, n mi a maanã wã lɑ ɑ tʋm a sẽn ratã, la a maan kaset ne a Mʋhammad yemdlemã, (Wẽnd pʋʋsg la A tɩlgr be a yĩngɑ) la a sak n reeg a zugẽ ne a ɭɩsa yemdlemã la a tẽn-tʋmdã, la a kõ sɩd tɩ Wẽnd naan-a lame ne A gomd A sẽn yeel tɩ "yɩ" t'a sɩd "yɩ" la a yɑɑ yõor sẽn be yõy nins pʋgẽ Wẽnd sẽn naanã, la A fãɑg a ɭɩsa ma wã n yi bũmb ning Yahuud-rãmbã sẽn rõd-a wã, la a kõ sɩd tɩ arzãnã yaa sɩda, la Bugmã yaa sɩda, n loe tɩ b yiibã beeme, la b yiibã yaa Wẽnd neema la A namsgo, n kell n maan kaalem ne rẽ, rẽnd a baasg yaa arzãna, baa tɩ sã n mikame t'a tara maan-n-koεεg tũudmẽ wã la a tar zũnuub-rãmba.
Source
B zemsa taab a zugu (A Al-Bʋẖaariy la a Muslim n reeg-a)
