Explanation

The meaning in a few plain lines

B soka Nabiyaamã (Wẽnd pʋʋsg la A tɩlgr be a yĩngɑ) manegr la zũnuub yelle, t'a yeele: Tɩ manegr yell bedr sẽn wa n tʋg n yɩɩde, yaa maan zʋg-sõng ne Wẽnd zoεεga, la tõog f meng n reeg f zʋgẽ nangã bõn-naandsã nengẽ, la gẽegã boogre, la neng-yʋgengo, la gom-sõmse, la tõkre, la Wẽnd tũudum la lom-lome, la manegr la vɩt-n-taare, la tũud-n-ta-sõngo. La sã n yaa zũnuubã, yẽnda yaa yell ning sẽn keoosd fo sũurẽ wã, sẽn yaa yel-gẽtse la tarbo, tɩ fo yãoogã ka yalgd ne-a ye, tɩ fo sũurẽ wã sik be beenẽ, tɩ fo yεεsd t'a tõe n yaa zũnuuba, la fo ka rat n na n vẽneg-a a sẽn yaa wẽngã yĩngã tɩ nebã wa bãnge, b yaals la b tɩrse. La rẽnda yaa tɩ yõorã minimame (a rog-ne) yaa tɩ nebã bãng bũmb ning sẽn yaa sõmã wã, rẽnd a sã n kisg n ka rat tɩ b bãng a tʋʋmã sãnda, yẽnda yaa beegr tʋʋmde, sõma ka a pʋgẽ ye.