Explanation

The meaning in a few plain lines

ណាពី ﷺ លោកតែងសូត្រនៅពេលមានទុក្ខព្រួយធ្ងន់ធ្ងរថា៖ لَا إِلَهَ إِلَّا اللهُ الْعَظِيمُ الْحَلِيمُ، لَا إِلَهَ إِلَّا اللهُ رَبُّ الْعَرْشِ الْعَظِيمِ، لَا إِلَهَ إِلَّا اللهُ رَبُّ السَّمَاوَاتِ وَرَبُّ الْأَرْضِ وَرَبُّ الْعَرْشِ الْكَرِيمِ "គ្មានទេម្ចាស់ដែលត្រូវគោរពសក្ការៈដ៏ពិតប្រាកដក្រៅពីអល់ឡោះឡើយ។ ទ្រង់មហាធំធេង និងមហាខន្តី។ គ្មានទេម្ចាស់ដែលត្រូវគោរពសក្ការៈដ៏ពិតប្រាកដក្រៅពីអល់ឡោះឡើយ។ ទ្រង់ជាម្ចាស់នៃអារ៉ស្ហដ៏ធំធេង។ គ្មានទេម្ចាស់ដែលត្រូវគោរពសក្ការៈដ៏ពិតប្រាកដក្រៅពីអល់ឡោះឡើយ។ ទ្រង់ជាម្ចាស់នៃមេឃជាម្ចាស់ ជាម្ចាស់នៃផែនដី និងជាម្ចាស់នៃអារ៉ស្ហដ៏ឧត្តុង្គឧត្តម។ ពោលគឺ៖ គ្មានទេម្ចាស់ដែលត្រូវគោរពសក្ការៈដ៏ពិតប្រាកដក្រៅពីអល់ឡោះឡើយ។ ទ្រង់មហាធំធេង ទាំងឋានៈនិងកិច្ចការរបស់ទ្រង់ មិនថាទាក់ទងនឹងអង្គ លក្ខណៈសម្បត្តិ និងសកម្មភាពរបស់ទ្រង់ឡើយ។ មហាខន្តីបំផុត ជាអ្នកដែលមិនដាក់ទោសភ្លាមៗដល់អ្នកដែលប្រព្រឹត្តអំពើបាបឡើយ។ ផ្ទុយទៅវិញ ទ្រង់ពន្យារពេលដល់រូបគេ ហើយទ្រង់ក៏អាចអភ័យទោសដល់រូបគរបានដែរ ទាំងដែលទ្រង់មានលទ្ធភាពក្នុងការដាក់ទោសរូបគេ ពីព្រោះទ្រង់ជាអ្នកមានអានុភាពលើអ្វីៗទាំងអស់។ គ្មានទេម្ចាស់ដែលត្រូវគោរពសក្ការៈដ៏ពិតប្រាកដក្រៅពីអល់ឡោះឡើយ។ ទ្រង់ជាម្ចាស់នៃអារ៉ស្ហដ៏ធំធេង ជាអ្នកបង្កើតអារ៉ស្ហដ៏ធំធេង។ គ្មានទេម្ចាស់ដែលត្រូវគោរពសក្ការៈដ៏ពិតប្រាកដក្រៅពីអល់ឡោះឡើយ។ ទ្រង់ជាម្ចាស់នៃមេឃជាម្ចាស់ ជាម្ចាស់នៃផែនដី និងជាអ្នកបង្កើតមេឃជាច្រើនជាន់ និងផែនដី និងជាអ្នកដែលបង្កើតអ្វីៗគ្រប់យ៉ាងដែលមាននៅក្នុងវាទាំងពីរ ហើយទ្រង់ជាអ្នកគ្រប់គ្រង ជាអ្នកចាត់ចែងចំពោះវាតាមអ្វីដែលទ្រង់មានចេតនា។ ទ្រង់ជាម្ចាស់នៃអារ៉ស្ហដ៏ឧត្តុង្គឧត្តម និងជាអ្នកបង្កើតអារ៉ស្ហដ៏ឧត្តុង្គឧត្តម។