Hadith for the World
Tap the image to view it full size
Yelsõmã lɑ zʋgd-rãmbã

Yii a Abɩɩ Muusa nengẽ, (Wẽnd yard be a yĩnga), tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) t'a rag n yɩɩme n kot do-kãngã:

Available in 54 languages
«Yii a Abɩɩ Muusa nengẽ, (Wẽnd yard be a yĩnga), tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) t'a rag n yɩɩme n kot do-kãngã: «M Soab A Wẽnde, yaaf-ma m sẽn tudgi la m sẽn zɩ la m maan-n-zʋʋkã m yellã fãa pʋgẽ, la Fo sẽn mi bũmb ninga n yɩɩd maam. M Soab A Wẽnde, yaaf-ma m sẽn tudgi la m pʋ-toogo, la m zɩɩlem la m reem, la woto fãa gill yii mam nengẽ. M Soab A Wẽnde, yaaf-ma m sẽn tʋm tɩ reng taoore, lɑ m sẽn yɑoolge, lɑ m sẽn solge la m sẽn vẽnege, Foom A Wẽnd la Lʋɩɩs taoor Naaba, la Foom la Yaoolgda, la Foom la bũmbã fãa gill Tõogda».»

Meaning translation ·

Explanation

The meaning in a few plain lines

Bee Nabiyaamã (Wẽnd pʋʋsg la A tɩlgr be a yĩngɑ) doosã sẽn tigim bũmbã fãa wã, a sẽn ra yete: "M Soab A Wẽnde, yaaf-ma m sẽn tudgi" la m zũnuubã, "la m sẽn zɩ" la bũmb ning sẽn yi mam nengẽ tɩ ka yɩ ne bãngre. "La m maan-n-zʋʋkã m yellã fãa gilli" la m kʋʋg koεεga la m maan tɩ loog toadgã. "La Fo sẽn mi bũmb ninga n yɩɩd maam" Fo mi-a lame, m Soab A Wẽnde, tɩ mam yĩm-a. "M Soab A Wẽnde, yaaf-ma m sẽn tudgi la m pʋ-toogo" La bũmb ning sẽn yi mam nengẽ ne pʋ-toogo la zũnuub ning mam sẽn mi. "La m sẽn maan sɩd-sɩdã la m reemã" la bũmb ning sẽn yi mam nengẽ tɩ yaa reem, la bũmb ning sẽn yi mam nengẽ halhaal a yiibã fãa gilli. "La woto fãa gill yii mam nengẽ" zĩ-kãngã b sẽn togsã tigma zũnuub-rãmbã la zamse. "M Soab A Wẽnde, yaaf-ma m sẽn tʋm tɩ reng taoore" tɩ loogã, "la m sẽn yaoolge" sẽn na n watã. "La m sẽn solge" la mam sẽn lilli, "la m sẽn vẽnege" la m yiis yɩnga. "Foom A Wẽnd la Lʋɩɩs taoor Naaba" la Foom la Yaoolgda" F lʋɩɩsda taoor Fo sẽn tʋll-a, Fo yembsã pʋgẽ, n tʋg Fo yolsgẽ wã, ne Fo segl sõngã f sẽn yard bũmb ningã, Foom n leb n yaoolgd F sẽn tʋll a soaba, n yaand-a ne Fo sẽn bas-a wã, la ned ka be n tõe n leb lʋɩɩs tɑoore bũmb ning Fo sẽn yaoolg ye, la ned me ka be n tõe n yaoolg bũmb ning Fo sẽn lʋɩɩs taoore yεlã pʋgẽ ye. "La Foom la bũmbã fãa gill Tõogda" tɩ F tõog yaa sẽn pidi, F raab yaa sẽn pidi, n maand F sẽn rat fãa.

Source
B zemsa taab a zugu (A Al-Bʋẖaariy la a Muslim n reeg-a)
Download image

Saved at original quality

Previous hadithNext hadith

More from this chapter

Yii a ɭbn ʿƲmar nengẽ, (Wẽnd yard be b yiibã yĩnga) a yeelame: Nabiyaamã (Wẽnd pʋʋsg la A tɩlgr be a yĩngɑ) rag n ka yɩ n basd kos-kãensã, a sẽn wat n ta zaabre, la a sẽn wat n yik yibeoogo:«Allɑhummɑ ɩnnii ɑs'ɑlukɑ Al-ɑɑfɩyɑtɑ fɩd-Dunyɑɑ wɑl-Aɑẖɩrɑtɩ, Allɑhummɑ ɩnnii ɑs'ɑlukɑ Al'ɑfwɑ wɑl- Aɑfɩyɑtɑ fɩɩ diinii wɑ Dunyɑɑyɑ wɑ Ahlɩɩ wɑ Mɑɑlɩɩ, Allɑhummɑ ʋstʋr Awrɑtɩɩ wɑ ɑɑmin Rɑw'ɑɑtɩɩ, Allɑhummɑ ɩhfɑẓnii min bɑyni yɑdɑyyɑ wɑ min ẖɑlfɩɩ wɑ an yɑmiinii wɑ an šɩmɑɑlɩɩ wɑ min fɑwkɩɩ, wɑ ɑʿʋʋḏʋ bɩ Aẓmɑtɩkɑ an ʋgtɑɑlɑ min tɑhtɩɩ. (M Soɑb ɑ Wẽnde mɑm kot-F-lɑ Lɑɑfɩ Dũni lɑ Lɑɑhre, M Soɑb ɑ Wẽnde m kot-F-lɑ Yɑɑfɑ lɑ Lɑɑfɩ m Dĩinɑ pʋgẽ lɑ m Dũni wã lɑ m zɑkã rãmbɑ lɑ m ɑrzεkɑ, m Soɑb ɑ Wẽnde lill m yãnã lɑ F gãneg m pεlgã, m Soɑb ɑ Wẽnde gũ-mɑ m neng tɑoore lɑ m poor wεεngẽ lɑ m rɩtg wεεngẽ lɑ m goɑbg wεεngẽ lɑ m yĩngr wεεngẽ, lɑ m kotɑ gũudum ne Fo Zɩslemã tɩ b rɑ wɑ zãmb n kʋ-mɑ m tẽngrã wεεngẽ ye».A Abʋʋ Daawʋʋd la a An-nasaa'ɩy la a ɭbn Maaǧa la a Ahmad n togs-a
Yii a ʿAbdʋllaah ɭbn ʿƲmar nengẽ, (Wẽnd yard be b yiibã yĩnga), a yeelame: rag n bee Wẽnd Tẽn-tʋʋmã kosgã pʋgẽ, (Wẽnd pʋʋsg la A tɩlgr be a yĩngɑ): «M Soab A Wẽnde, m kot-F-la gũudum n yi Fo neemã wã wa gõbg n bas-ma la Fo laafɩ wã wa wẽnems m bas-ma, la Fo sɩbgrã lingri, la Fo gẽegã fãa».A Muslim n togs-a
Yii a ʿAbdʋllaah ɭbn ʿAmr ɭbn Al-ʿaaṣ nengẽ, (Wẽnd yard be b yiibã yĩnga), tɩ Wẽnd Tẽn-tʋʋm, (Wẽnd pʋʋsg la A tɩlgr be a yĩnga) rag n yɩɩme n kot ne goam-kãensã: «M Soab A Wẽnde, m kot-F-la gũudum n yi samd wilbu, la bε wilbu, la bεεb laada».A An-nasaa'ɩy la a Ahmad n togs-a
Yii Abʋʋ Hʋrɑyrɑt nengẽ (Wẽnd yɑrd be ɑ yĩngɑ) a yeelɑme: Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) ɑ yeelame: «Muumin sẽn tar pãnga, yẽnda sõmblem, n leb n nong Wẽnd n yɩɩd muumin sẽn yaa valenga, la b fãa yaa sõma, maan yã-beed ne bũmb ning sẽn nafd foomã, la f kos sõngr ne Wẽnde la f ra kong ye, la bũmb sã n paam foom bɩ f ra yeele: m sã n da maan woto yɩtẽ la woto la woto. La yeele: Wẽnd n korde, A sẽn ratã me la A maan yã, bala (sã n da yɩ woto wã) a pakda sʋɩɩtãan tʋʋma».A Muslim n togs-a
عن أبي هريرة رضي الله عنه عن رسول الله صلى الله عليه وسلم قال: «الْمُؤْمِنُ مِرْآةُ أَخِيهِ الْمُؤْمِنِ».رواه أبو داود والترمذي
Yii a Abɩɩ Ad-dardaa' nengẽ (Wẽnd yard be a yĩnga): m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ «Ad kãab-toogã rãmbã b ka yɩt dũni yikr raarã seetba, b ka yɩt sugsdba».A Muslim n togs-a
Yii ɑ Annu'maan ɭbn Basɩɩr nengẽ -Wẽnd yɑrd be ɑ yĩngɑ- ɑ yeelɑme: Mɑm wʋmɑ Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ- t'ɑ yetẽ: "Ad kosgã yẽnda la tũudmã", rẽ poorẽ t'a kareme: "{la yãmb Soaba yeelame: "kos-y-Ma tɩ M na reeg y yĩnga, ad neb nins sẽn waoogd b mens n yit Mam tũudmã, b na n kẽe Gεhannem tɩ b yaa yaalse} [Gaafɩrʋ: 60]".A Abʋʋ Daawʋʋd la a At-tirmiiziy la a ɭbn Maaǧa la a Ahmad n togs-a
عَنْ عِيَاضِ بْنِ حِمَارٍ أَخِي بَنِي مُجَاشِعٍ رَضيَ اللهُ عنه قَالَ: قَامَ فِينَا رَسُولُ اللهِ صَلَّى اللهُ عَلَيْهِ وَسَلَّمَ ذَاتَ يَوْمٍ خَطِيبًا، فَقَالَ: وَسَاقَ الْحَدِيثَ وَفِيهِ: «وَإِنَّ اللهَ أَوْحَى إِلَيَّ أَنْ تَوَاضَعُوا حَتَّى لَا يَفْخَرَ أَحَدٌ عَلَى أَحَدٍ، وَلَا يَبْغِي أَحَدٌ عَلَى أَحَدٍ».رواه مسلم