Yii a Gεrɩɩr ɭbn ʿAbdʋllaah nengẽ, (Wẽnd yard be a yĩnga) a yeelame:
Available in 62 languages
«Yii a Gεrɩɩr ɭbn ʿAbdʋllaah nengẽ, (Wẽnd yard be a yĩnga) a yeelame: Tõnd rag n bee Nabiyaamã nengẽ, (Wẽnd pʋʋsg la A tɩlgr be a yĩngɑ) t'a ges n tʋg kiuugã yʋngo -rat n yeel t'ɑ rasem piig la a naasã rɑɑre- n yeele: « Ad yãmb na n yãa y Soabã, wala yãmb sẽn ne kiu-kãngã wã, la yãmb ka maand sik a yãabã pʋgẽ, la yãmb sã n tʋlla t'a ra wa põsg yãmbã, bɩ y pʋʋs taoor tɩ tɩ wĩndgã na n ka puki la taoor t'a na n ka lʋɩ, bɩ y maane». Rẽ poorẽ t'a kareme: «{la f yɩlg f Soabã yʋʋrã ne pẽka, taoor tɩ wĩntoog na n pa puki, la taoor t'a na n pa lʋɩ ye}».»
Meaning translation ·
Explanation
The meaning in a few plain lines
Sahaabsã (Wẽnd yard be b yĩnga) ra yɩɩme n be ne Nabiyaamã (Wẽnd pʋʋsg la A tɩlgr be a yĩngɑ) yʋng a yembre, t'a ges kiuugã -rasem piig la a naas yʋngo- n yeele: Ad muunim-rãmbã na n yãa b Soabã, sɩd-sɩda, ne nini, tɩ ka tũ ne liibg ye, lɑ ad ka na n yɩ sẽk ne bãmba, yaams ka n paam bãmba, toog ka na n paam-ba A gesgã wakatã (A Naam zẽkame). Rẽ poorẽ tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) yeele: Tɩ yãmb sã n tõog n wãag sabab-rãmb nins sẽn na n gɩdg yãmbã n yi Fagir la Laansar Pʋʋsg bɩ y maane, la y pʋʋs b yiibã tɩ b yaa sẽn pidi, b wakatẽ wã ne zãma, tɩ ad rẽnda yaa sabab-rãmb nins sẽn kɩt tɩ y tõog n tʋg n yã Wẽnd Nengã (A Naam yɩ wagell n zẽke), rẽ poorẽ tɩ Nabiyaamã (Wẽnd pʋʋsg la A tɩlgr be a yĩngɑ) karem Aayarã: {La f yɩlg f Soabã yʋʋrã ne pẽka, taoor tɩ wĩntoog na n pa puki, la taoor t'a na n pa lʋɩ ye}.
Source
B zemsa taab a zugu (A Al-Bʋẖaariy la a Muslim n reeg-a)
