Explanation

The meaning in a few plain lines

Nɑbiyɑɑmã (Wẽnd pʋʋsg la A tɩlgr be a yĩnga) vẽnegdame n wilgd nebã kõbgo, Alkʋrãanã kareng pʋgẽ la naf ne-a wã: Rẽenem kõbgã: yaa muumin ning sẽn karemda Alkʋrãanã la a nafd ne-a wã, yẽnda yaa wala Ʋtrʋga tɩ-bila, a lembg nooma, a yũug nooma, a kõbg be neere, a nafa yaa wʋsgo, bala yẽ tʋmda ne a sẽn karemd bũmb ningã la a nafd Wẽnd yembsã. Yiib soabã: yaa muumin ning sẽn ka karemda Alkʋrãanã, yẽnda yaa wala tamarʋ, a rɩɩbã noomame la a ka tar yũug ye, bala a sũurã yaa sẽn be ne lɩɩmaoongo wala tamarʋ tɩɩga sẽn tar nooma, a pʋgẽ wã la a yɩngã, la a ka tar yũug nebã sẽn wʋmd ye, bala nin-kãngã soaba ka karemd Alkʋrãan t'a karengã nafd neba la noom-b ye. Tãab soaba: yaa munaafɩk ning sẽn karemda Alkʋrãanã, yẽnda yaa wala rayhaane, a yũugã yaa noogo la a yaa toog noorẽ, a vẽnegda nebã taoor t'a yaa sɩd-kõta, rẽnd yũ-noogã wõnda munaafɩkã karengo, la a sẽn yaa toogã wõnda a kɩflemã. Naas soaba: yaa munaafɩk ning sẽn ka karemda Alkʋrãanã, yẽ yaa wala tok-sẽnego, a ka tar yũ-noogo a lembgã me yaa toogo, rẽnd tok-sẽnegã yũugã kaalemã wõnda nedã sẽn ka tar yũugã, a sẽn ka karemd Alkʋrãanã yĩnga, la a lembgã toomã wõnda a kɩflemã toomã, bala a pʋgẽ wã lakame n ka tar sɩd-kũuni a yɩnga me nafa ka be beenẽ ye, a pʋs n yaa sẽn namsde.