231 hadiths
Yii Abʋʋ Hʋrɑyrɑt nengẽ (Wẽnd yɑrd be ɑ yĩngɑ) a yeelɑme: Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) ɑ yeelame: «Ned sã n pʋʋs zama pʋgẽ, a yel-sõmdã yɩɩda ned sẽn na n pʋʋs a zakẽ, la a sẽn na n pʋʋs a raagẽ pisi la saare, la rẽnda yaa tɩ yãmb ned fãa sã n yõk koom, n maneg koomã yõgbo, rẽ poorẽ n yi n kẽng miisrẽ wã, tɩ bũmb ka kẽng ne-a rẽnda Pʋʋsgã, a ka rat bũmb sã n ka Pʋʋsgã, a ka zẽkd a na-tagdre rẽndame tɩ Wẽnd zẽk dargε ne-a, la A lub yel-beed ne a na-tagdrã zẽkre, halɩ t'a wa tʋg n ta miisrẽ wã. La a sã n kẽ miisrã pʋgẽ, a bee Pʋʋsg pʋgẽ bala, tɩ sã n mikame tɩ yaa Pʋʋsgã n gɩdg-a t'a be beenẽ. La malεgsã pʋʋsda ned fãa, sã n mikame t'a ket n bee ɑ Pʋʋsgã zĩigẽ, b yetame: m Soab a Wẽnde! Yols-a, m Soab a Wẽnde! Yaaf-a, m Soab a Wẽnde! Reeg a tuubgu. T'a sã n ka maan zũnuub tʋʋma a zĩigẽ wã, maa a koomã sã n ka kao».B zemsa taab a zugu (A Al-Bʋẖaariy la a Muslim n reeg-a)
Yii a ʿAbdʋl Arrahmaan ɭbn Abɩɩ Layla nengẽ, a yeelame: a Ka'ab ɭbn ʿƲgra yeka maam n yeele: m ka na n kõ foom kũuni? Ad Nabiyaamã (Wẽnd pʋʋsg lɑ A tɩlgr be ɑ yĩngɑ) a yii tõnd nengẽ raar a yembre, tɩ tõnd yeele: Wẽnd Tẽn-tʋʋmã, ad tõnd bãnga d sẽn ningd foom sallem to-to ninga, la d na n pʋʋs-f-la wãn-wãnɑ? T'a yeele: «yeel-y yã: Allaahumma Salli ʿAlaa Mʋhammadɩn wa ʿAlaa aalɩ Mʋhammadɩn, kamaa ṣallayta ʿAlaa Aali ɭbraahɩɩma ɩnnaka hamiidʋn maǧiidʋn, Allaahumma baarɩk Alaa Mʋhammadɩn wa ʿAlaa Aalɩ Mʋhammadɩn kamaa baarakta ʿalaa aalɩ ɭbraahɩɩma innaka hamiidʋn maǧiidʋn. = M Soab a Wẽnde! Pʋʋs a Mʋhammad la a Mʋhammad zakɑ rãmba, wala Fo sẽn pʋʋs a ɭbraahɩɩm zak rãmbã, ad Foom la Pẽgda, n yaa Zɩsgo. M Soab a Wẽnde! Bark a Mʋhammad la a Mʋhammad zakɑ-rãmba, wala Fo sẽn bark a ɭbraahɩɩm zak-rãmbã, ad Foom la Pẽgda, n yaa Zɩsgo».B zemsa taab a zugu (A Al-Bʋẖaariy la a Muslim n reeg-a)
