Heart-Softeners and Sermons

Purification of Souls

9 hadiths

9 hadiths

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame: «Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye».A At-tirmiiziy la a Ahmad n togs-a

Yii a Sʋhayb nengẽ (Wẽnd yard be a yĩnga) a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeelame: «Yel-soalem be ne sɩd-kõt yellã, ad a yellã fãa gill yaa sõma, la yẽ me ned ka tõe n paam-a tɩ sã n ka sɩd-kõt ye, sõmã sã n paam-a a pʋʋsda barka tɩ rẽnda yɩ sõma ne-a, la wẽng sã n paam-a, a maanda sugri tɩ rẽnda yɩ sõma ne-a».A Muslim n togs-a

Yii a ʿAbdʋllaah ɭbn ʿƲmar nengẽ, (Wẽnd yard be b yiibã yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a gãda mam bãokã, n yeele: «Yɩ dũni wã tɩ yaa wala fo yaa sãana maa so-toak soaba», la a ɭbn ʿƲmar rag n yɩɩme n yetẽ: f sã n ta zaabr bɩ f ra koll yibeoog ye, la f sã n yik yibeoog bɩ f ra koll zaabr ye, la f zaεεg fo laafɩ wã wakato bãagã yĩnga, la f zaεεg vɩɩmã wakat kũumã yĩnga».A Al-Bʋẖaariy n togs-a

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) ɑ yeelɑme Wẽnd Tẽn-tʋʋm yeelame (Wẽnd pʋʋsg lɑ A tɩlgr be ɑ yĩngɑ): «Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi, lɩslaam ne a to yɑɑ ma-biisi, a ka wẽgd-a, a ka basd a sõngre, a ka paoogd-a , Wẽnd zoεεgã yaa zĩ-kãngã» La a teesd a yãoogã noor a tãabo.«Wẽng ta tεk ne lɩslaam t'a wa tʋg n paoogd a ma-bi-taaga, lɩslaam gillã yaa haraam ne a lɩslaam taaga, a zɩɩmã yaa haraam, a arzεkã yaa haraam, a burkĩnd yaa haraam».A Muslim n togs-a

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame: «Ges-y neb nins sẽn be yãmb tẽngrã, la y ra ges neb nins sẽn be yãmb yĩngrã ye, rẽnda n pẽ n yɩɩd tɩ yãmb ra wa paoog Wẽnd neemã wã sẽn be yãmb zugã».B zemsa taab a zugu (A Al-Bʋẖaariy la a Muslim n reeg-a)

Yii a ɭbn ʿAbbaas nengẽ, (Wẽnd yard be b yiibã yĩnga), a yeelame: Nabiyaamã yeelame, (Wẽnd pʋʋsg la A tɩlgr be a yĩnga): «Neema a yiib n be, tɩ nebã wʋsg bõnd b pʋgẽ: yaa laafɩ la sẽka».A Al-Bʋẖaariy n togs-a

Yii a Abɩɩ Maalik Al-As-ariy nengẽ, Wẽnd yard be a yĩnga, a yeelame: Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: « yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka, la ad Pʋʋsgã yaa vẽenem, la sãra (doaag) maanego a yaa daliil sẽn wilgd lɩɩmaangã, la ad sugr yaa vẽenem, la Alkʋrãanã a yaa gom lubdga, sẽn na n sõng foom, maa sẽn na n nams foom, ad nebã fãa gilli, b sãta beoogo, n koosd a mengã, be beenẽ sẽn basd a yõor burkĩndi n yi Bugmã, be b pʋgẽ ned sẽn na n halk a yõorã n kẽes-a Bugmã pʋgẽ».A Muslim n togs-a

Yii a Sufyaan ɭbn ʿAbdʋllaah Aṯ-ṯaƙafiyyi nengẽ, (Wẽnd yard be a yĩnga), a yeelame: M yeelame: yaa Wẽnd Tẽn-tʋʋmã, wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga».A Muslim la a Ahmad n togs-a

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩnga) a yeelame: «Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã: yaa taoor soab sẽn yaa tẽeg tɩrga, la rasãng sẽn yik Wẽnd tũudum pʋgẽ, la rao sũur sẽn yag ne miisa, la neb a yiib sẽn bʋ taab nonglem Wẽnd yĩnga, n tigim taab A nonglemã zugu n leb n welg taab A nonglemã zugu, la raoa pag sẽn tar ziir la neerem sẽn bool-a, t'a yeele: ad mam zoeta Wẽnde, la ned sẽn na n maan sãra n solge, halɩ tɩ yẽ goabga ka mi rɩtgã sẽn kõtã ye, la ned sẽn be a yembre, n tẽeg Wẽnd yelle, t'a nintãmã kiigi».B zemsa taab a zugu (A Al-Bʋẖaariy la a Muslim n reeg-a)