Hadith for the World

All hadiths

The complete card collection, filter by chapter

655 hadiths

عن أنس بن مالك رضي الله عنه قال: قال رسول الله صلى الله عليه وسلم : «للَّهُ أَفْرَحُ بِتَوْبَةِ عَبْدِهِ مِنْ أَحَدِكُمْ، سَقَطَ عَلَى بَعِيرِهِ، وَقَدْ أَضَلَّهُ فِي أَرْضِ فَلاَةٍ». وفي رواية: «لَلَّهُ أَشَدُّ فَرَحًا بِتَوْبَةِ عَبْدِهِ حِينَ يَتُوبُ إِلَيْهِ، مِنْ أَحَدِكُمْ كَانَ عَلَى رَاحِلَتِهِ بِأَرْضِ فَلَاةٍ، فَانْفَلَتَتْ مِنْهُ وَعَلَيْهَا طَعَامُهُ وَشَرَابُهُ، فَأَيِسَ مِنْهَا، فَأَتَى شَجَرَةً، فَاضْطَجَعَ فِي ظِلِّهَا، وقَدْ أَيِسَ مِنْ رَاحِلَتِهِ، فَبَيْنَا هُوَ كَذَلِكَ إِذَا هُوَ بِهَا، قَائِمَةً عِنْدَهُ، فَأَخَذَ بِخِطَامِهَا، ثُمَّ قَالَ مِنْ شِدَّةِ الْفَرَحِ: اللهُمَّ أَنْتَ عَبْدِي وَأَنَا رَبُّكَ! أَخْطَأَ مِنْ شِدَّةِ الْفَرَح».متفق عليه والرواية الأولى لفظ البخاري، والرواية الثانية لفظ مسلم
Yii a Abɩɩ Muusa nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩnga) a yeelame: «Ad Wẽne, (A Naam yɩ wagell n zẽke) A tẽegda A nugã yʋngo, sẽn na yɩl tɩ wĩndg wẽngd tuubi, la A tẽegd A nugã wĩndgã sẽn na yɩl tɩ yʋng wẽngd tuubi, halɩ tɩ wĩndgã wa tʋg n puk a sẽn lʋɩtẽ wã».A Muslim n togs-a
Yii a Abɩɩ Saʿɩɩd Al-ẖʋdriy nengẽ (Wẽnd yard be a yĩnga), a yeelame: mam wʋma Wẽnd Tẽn-tʋʋma, (Wẽnd pʋʋsg la A tɩlgr be a yĩnga), t’a yetẽ: «Ned ning sẽn loe noor rɑɑr ɑ ye tɩ yẽ be Wẽnd sorã sõngr pʋgẽ, Wẽnd na n zãaga a nengã ne Bugmã bõn-bɩʋʋng pis-yopoe».B zemsa taab a zugu (A Al-Bʋẖaariy la a Muslim n reeg-a)
Yii a Sahl ɭbn Sa'ad nengẽ (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg la a tɩlgr be a yĩnga) yeelame: «Nebã ka bakd n be sõma pʋgẽ, tɩ b sã n yãg ne no-kaoorã».B zemsa taab a zugu (A Al-Bʋẖaariy la a Muslim n reeg-a)
Yii a Zayd ɭbn Saabɩt nengẽ (Wẽnd yard be a yĩnga) a yeelame: Tõnd rɩɩ sugrã rɩɩb ne Nabiyaamã (Wẽnd pʋʋsg la A tɩlgr be a yĩnga), rẽ poorẽ t'a yik n kẽng Pʋʋsgã, tɩ mam yeele: wakatã sẽn da be laandãanã ne sugrã rɩɩb sʋkã yaa wãnã? T'a yeele: yɑɑ Aayae pis-nu kɑreng alkadre.B zemsa taab a zugu (A Al-Bʋẖaariy la a Muslim n reeg-a)
Yii a ʿAɑɩša sẽn yaa muumin-rãmbã ma wã nengẽ (Wẽnd yard be a yĩnga), Nabiyaamã pagã, (Wẽnd pʋʋsg la A tɩlgr be a yĩnga): Tɩ Nabiyaamã (Wẽnd pʋʋsg la A tɩlgr be a yĩnga) a rag n yɩɩme n maan ɭɩtɩkaaf Ramadãanã rasem pi-yaoogã, halɩ tɩ Wẽnd wa reeg a yõorã, rẽ poorẽ a pagbã maana ɭɩtɩkaafo a loogrã poorẽ.B zemsa taab a zugu (A Al-Bʋẖaariy la a Muslim n reeg-a)
Yii ɑ Anas nengẽ (Wẽnd yard be a yĩnga) ɑ yeelɑme: Nɑbiyɑɑmã yeelɑme (Wẽnd pʋʋsg la A tɩlgr be a yĩnga): «Rɩ-y sugrã, tɩ ad sugrã rɩɩb pʋgẽ, bark n be beenẽ».B zemsa taab a zugu (A Al-Bʋẖaariy la a Muslim n reeg-a)
عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُما قَالَ: كَانَ رَسُولُ اللَّهِ صَلَّى اللهُ عَلَيْهِ وَسَلَّمَ فِي سَفَرٍ، فَرَأَى زِحَامًا وَرَجُلًا قَدْ ظُلِّلَ عَلَيْهِ، فَقَالَ: «مَا هَذَا؟»، فَقَالُوا: صَائِمٌ، فَقَالَ: «لَيْسَ مِنَ البِرِّ الصَّوْمُ فِي السَّفَرِ»، وَفِي لَفْظٍ لِمُسلِمٍ: «عَلَيْكُمْ بِرُخْصَةِ اللهِ الَّذِي رَخَّصَ لَكُمْ».متفق عليه
Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd-Tẽn-tʋʋmã (Wẽnd pʋʋsg la A tɩlgr be a yĩngɑ) a yeelame: «Ra yãg-y n lʋɩɩs Ramadaanã n loe raar a yembre, maa rasem a yiib ye, sã n ka ned ning sẽn da maanda no-loeere, bɩ a loe».B zemsa taab a zugu (A Al-Bʋẖaariy la a Muslim n reeg-a)
Yii a ɭbn ʿƲmar nengẽ, (Wẽnd yard be b yiibã yĩnga), a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) maana Zakaat Al-fitrã tɩ yaa tɩlae, tamarʋ saawalle, maa saʿɩɩr saawalle, yamb zug fãa, maa burkĩn zug fãa, la rao zug fãa, maa pag zug fãa, bi-bilf zug fãa, maa kãsem zug fãa, sẽn yi lɩslaambẽ, la a sagl tɩ b kɩs-a taoor tɩ nebã na n ka yi n kẽng Pʋʋsgẽ wã.B zemsa taab a zugu (A Al-Bʋẖaariy la a Muslim n reeg-a)
Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd-Tẽn-tʋʋmã (Wẽnd pʋʋsg la A tɩlgr be a yĩngɑ) a yeelame: «Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba)».B zemsa taab a zugu (A Al-Bʋẖaariy la a Muslim n reeg-a)
عن عائشة وأم سلمة رضي الله عنهما «أن رسول الله صلى الله عليه وسلم كان يُدْرِكُهُ الفجر وهو جُنٌبٌ من أهله، ثم يغتسل ويصوم ».متفق عليه
Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd-Tẽn-tʋʋmã (Wẽnd pʋʋsg la A tɩlgr be a yĩngɑ) a yeelame: «Ned ning sẽn yĩma n rɩ, maa a yũ, tɩ yẽ yaa sẽn loe noore, bɩ a pids a no-loeerã, tɩ ad yaa Wẽnd n rɩlg-a la a yũnug-a».B zemsa taab a zugu (A Al-Bʋẖaariy la a Muslim n reeg-a)
Yii a Abɩɩ Hʋrayrat nengẽ, (Wẽnd yard be a yĩnga) a yeelame: Mam noangã, (Wẽnd pʋʋsg la A tɩlgr be a yĩngɑ) sagla maam ne yεl a tãabo: rasem a tãab no-loeer kiuug fãa, la Dʋhaa rakaar a yiibu, la m pʋʋs wɩtrã taoor tɩ m na n ka gũsi.B zemsa taab a zugu (A Al-Bʋẖaariy la a Muslim n reeg-a)
Yii a Aaɩsa nengẽ (Wẽnd yard be a yĩnga) tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeelame: «Gẽes-y Laylat al-ƙadrã rasem-pi-yaoogã ra-lugmã pʋgẽ, Ramadaanã kiuug pʋgẽ».B zemsa taab a zugu (A Al-Bʋẖaariy la a Muslim n reeg-a)
عن عمر بن الخطاب رضي الله عنه قال: قال رسول الله صلى الله عليه وسلم : «إذا أقبل الليل من هَهُنا، وأَدْبَرَالنهار من ههنا، فقد أفطر الصائم».متفق عليه
Yii a ɭbn ʿƲmar nengẽ, (Wẽnd yard be b yiibã yĩnga), a yeelame: m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ: «Y sã n yã kiuugã bɩ y loe noorã, la y sã n leb n yã-a bɩ y lok noore, la sawat sã n lud yãmbã bɩ y sõd-a».B zemsa taab a zugu (A Al-Bʋẖaariy la a Muslim n reeg-a)
Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd tẽn-tʋʋm (Wẽnd pʋʋsg la A tɩlgr be a yĩnga) a yeelame-: «Ad Wẽnd ka get y naandã la y arzεkã ye, la ad A geta yãmb sũyã la y tʋʋmã.A Muslim n togs-a
Yii a Ʋmar ɭbn Al-hattaab nengẽ - Wẽnd yard be a yĩnga-: a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeeleme: «Ad tʋʋmã tũudɑ ne Anniya-rãmbã, lɑ ɑd ned fãɑ sẽn dɩk Anniy ningã n be ne-ɑ, rẽnd ned ning sẽn maana Higra (yik Mɑk n kẽng Mɑdiinã) tɩ yɑɑ Wẽnd lɑ A Tẽn-tʋʋmã yĩngɑ, rẽnd yẽ soɑb Yikrã yɩtɑ Wẽnd lɑ A Tẽn-tʋʋmɑ yĩngɑ, lɑ ned ning Yikrã sẽn wɑ n yɑɑ dũni yĩnga n rɑt n nɑ n pɑɑm-ɑ, mɑɑ yɑɑ pɑgɑ lɑ a rɑt n furi, rẽnd yẽ yikrã yɑɑ ɑ sẽn yik n kẽng bũmb ning yĩngã». La gom-bila a yembr n be Albʋhaary pʋga: « Ad tʋʋmã yaa ne Anniy-rãmbã, la ninsaal fãa yaa a sẽn maan Anniy ningã n be ne-a».B zemsa taab a zugu (A Al-Bʋẖaariy la a Muslim n reeg-a)
Yii a Abɩɩ Al-hawraa'ɩ As-sa'dy nengẽ, a yeelame: m yeela a Al-Hasan ɭbn ʿAli (Wẽnd yard be a yĩnga) bõe la fo ruls Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩngɑ) t'a yeele: m rulsa Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩngɑ): «Bas bũmb ning sẽn maand foom sika la f maan sẽn ka maand foom sika tɩ ad sɩdã a yõgenda sũuri la ad zĩri-beed yaa sika».رواه الترمذي والنسائي وأحمد
Yii Abʋʋ Hʋrɑyrɑt nengẽ (Wẽnd yɑrd be ɑ yĩngɑ) a yeelɑme: Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) ɑ yeelame: «Ned sã n pʋʋs zama pʋgẽ, a yel-sõmdã yɩɩda ned sẽn na n pʋʋs a zakẽ, la a sẽn na n pʋʋs a raagẽ pisi la saare, la rẽnda yaa tɩ yãmb ned fãa sã n yõk koom, n maneg koomã yõgbo, rẽ poorẽ n yi n kẽng miisrẽ wã, tɩ bũmb ka kẽng ne-a rẽnda Pʋʋsgã, a ka rat bũmb sã n ka Pʋʋsgã, a ka zẽkd a na-tagdre rẽndame tɩ Wẽnd zẽk dargε ne-a, la A lub yel-beed ne a na-tagdrã zẽkre, halɩ t'a wa tʋg n ta miisrẽ wã. La a sã n kẽ miisrã pʋgẽ, a bee Pʋʋsg pʋgẽ bala, tɩ sã n mikame tɩ yaa Pʋʋsgã n gɩdg-a t'a be beenẽ. La malεgsã pʋʋsda ned fãa, sã n mikame t'a ket n bee ɑ Pʋʋsgã zĩigẽ, b yetame: m Soab a Wẽnde! Yols-a, m Soab a Wẽnde! Yaaf-a, m Soab a Wẽnde! Reeg a tuubgu. T'a sã n ka maan zũnuub tʋʋma a zĩigẽ wã, maa a koomã sã n ka kao».B zemsa taab a zugu (A Al-Bʋẖaariy la a Muslim n reeg-a)
Yii a ʿAbdʋllaah ɭbn ʿƲmar nengẽ, (Wẽnd yard be b yiibã yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a gãda mam bãokã, n yeele: «Yɩ dũni wã tɩ yaa wala fo yaa sãana maa so-toak soaba», la a ɭbn ʿƲmar rag n yɩɩme n yetẽ: f sã n ta zaabr bɩ f ra koll yibeoog ye, la f sã n yik yibeoog bɩ f ra koll zaabr ye, la f zaεεg fo laafɩ wã wakato bãagã yĩnga, la f zaεεg vɩɩmã wakat kũumã yĩnga».A Al-Bʋẖaariy n togs-a
Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) ɑ yeelɑme Wẽnd Tẽn-tʋʋm yeelame (Wẽnd pʋʋsg lɑ A tɩlgr be ɑ yĩngɑ): «Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi, lɩslaam ne a to yɑɑ ma-biisi, a ka wẽgd-a, a ka basd a sõngre, a ka paoogd-a , Wẽnd zoεεgã yaa zĩ-kãngã» La a teesd a yãoogã noor a tãabo.«Wẽng ta tεk ne lɩslaam t'a wa tʋg n paoogd a ma-bi-taaga, lɩslaam gillã yaa haraam ne a lɩslaam taaga, a zɩɩmã yaa haraam, a arzεkã yaa haraam, a burkĩnd yaa haraam».A Muslim n togs-a
Yii a Abʋʋ Hʋrayrat nengẽ (Wẽnd yard be a yĩnga) : Tɩ raoa n yeel Nabiyaamã (Wẽnd pʋʋsg la A tɩlgr be a yĩnga) sagl-ma, t'a yeele: «Ra gẽ ye» t'a yɩlem noor wʋsgo, tɩ Nabiyaamã yeele: «Ra gẽ ye».A Al-Bʋẖaariy n togs-a