All hadiths

The complete card collection, filter by chapter

655 hadiths

عن عمرو بن شعيب، عن أبيه، عن جده قال: قال رسول الله صلى الله عليه وسلم : «يَدُ المسلمين على مَن سِواهم، تَتَكافَأُ دِماؤهم وأموالُهم، ويُجِيرُ على المسلمين أدْناهم، ويَرُدُّ على المسلمين أَقْصَاهم».رواه أبو داود وابن ماجه وأحمد

عن عائشة رضي الله عنها : أنّ قومًا قالوا: يا رسول الله إنّ قومًا يأتوننا باللحم لا نَدري أَذَكروا اسمَ الله عليه أم لا، فقال رسول الله صلى الله عليه وسلم : «سَمُّوا الله عليه وكُلُوه».رواه البخاري

عن أبي هريرة رضي الله عنه أن رسول الله صلى الله عليه وسلم قال: «إن لله تِسْعَةً، وتِسْعِينَ، اسْمًا، مِائَةً إلا واحدا مَنْ أَحْصَاهَا دخل الجنة».متفق عليه

Yii a ʿAbdʋllaah ɭbn ʿƲmar nengẽ, (Wẽnd yard be a yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) yeelame: «B mee lɩslɑɑngã zeng-raad a nu zugu, yaa kõ sɩda tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsgã yãnesgo, la Zak kũuni, la Roogã kaagre, la Ramadaanã no-loeere».B zemsa taab a zugu (A Al-Bʋẖaariy la a Muslim n reeg-a)

Yii a Abɩɩ Saʿɩɩd Al-ẖʋdriy nengẽ (Wẽnd yard be a yĩnga), a yeelame: mam wʋma Wẽnd Tẽn-tʋʋma, (Wẽnd pʋʋsg la A tɩlgr be a yĩnga), t’a yetẽ: « Ned ning sẽn wa n yã yel kitgɑ, bɩ a tedg-a ne a noorã, la a sã n ka tõe rẽnda, bɩ a tedg-a ne a zɩlemdã, la a sã n ka tõe rẽnda, bɩ a tedg-a ne a sũurã, la yẽnda n tʋg n yɩɩd ne lɩɩmaɑng sẽn yaa valanga. »A Muslim n togs-a

Yii a Abɩɩ Maalik Al-As-ariy nengẽ, Wẽnd yard be a yĩnga, a yeelame: Wẽnd Tẽn-tʋʋma, -Wẽnd pʋʋsg la A tɩlgr be a yĩnga- yeelame: « yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka, la ad Pʋʋsgã yaa vẽenem, la sãra (doaag) maanego a yaa daliil sẽn wilgd lɩɩmaangã, la ad sugr yaa vẽenem, la Alkʋrãanã a yaa gom lubdga, sẽn na n sõng foom, maa sẽn na n nams foom, ad nebã fãa gilli, b sãta beoogo, n koosd a mengã, be beenẽ sẽn basd a yõor burkĩndi n yi Bugmã, be b pʋgẽ ned sẽn na n halk a yõorã n kẽes-a Bugmã pʋgẽ».A Muslim n togs-a

Yii a Mu’aaz nengẽ, Wẽnd yard be a yĩnga, a yeelame: Mam rag n zao Nabiyaamã poorẽ, Wẽnd pʋʋsg la A tɩlgr be a yĩnga, bõang zug, b sẽn boon tɩ Ʋfayr, tɩ Nabiyaamã yeele : « Mu’aaze ! Rẽ yĩnga fo mii Wẽnd hakε wã sẽn zao A yembsã zugu, la yembsã hakε sẽn zao Wẽnd zug bɩɩ » ? Tɩ mam yeele : « Wẽnd la A Tẽn-tʋʋmã, n mi rẽnda ». t’a yeele : « bɩ f bãnge tɩ Wẽnd hakε wã, yaa b tũ Wẽnde la b ra maan lagem-n-taar ne-A ye, la yembsã hakε sẽn zao Wẽnde, yaa A ra wa tʋg n nams ned sẽn ka maan lagem-n-taar ne-A baa fʋɩ ye » Tɩ mam yeele : « rẽ yĩnga, m ka na n noog nebã sũur ne rẽ » ? Tɩ Nabiyaamã yeele : « ra noog-b sũur ne rẽ, tɩ b wat n teega rẽnda n bas tʋʋmã ».B zemsa taab a zugu (A Al-Bʋẖaariy la a Muslim n reeg-a)

Yii a Gεεbr nengẽ, Wẽnd yard be a yĩnga, a yeelame: Raoa n wa Nabiyaamã nengẽ, Wẽnd pʋʋsg la A tɩlgr be a yĩnga, n yeele : Tẽn-tʋʋmã, waagib-rãmb a yiibã yaa bõe ? Tɩ Nabiyaam yeele : « yaa ned ning sẽn maan kaalem n ka maan lagem-n-taar ne Wẽnd baa fʋɩ, yaa tɩlae t’a kẽ arzãnã, la ned ninga sẽn maan kaalem t’a yaa sẽn maan lagem-n-taar ne Wẽnde, ne bũmbu, a kẽeda Bugumã».A Muslim n togs-a

Yii a Aisa nengẽ, Wẽnd yard be a yĩnga, a yeelame: Mam yeelame : Wẽnd Tẽn-tʋʋma, a ɭbn Gʋd’aan ra yɩɩme, Zɩɩlem wakato, n da tõkd rogem la a rɩlgd nimbaan-nebã, la rẽ yĩnga, rẽnda nafd-a lame bɩ ? t'a yeele:« Ka na n naf-a ye, a ka yeel baa raar a yembre : “m Soab a Wẽnde! Yaaf maam m tʋʋm tuuti wã Dĩinã rolb raare».A Muslim n togs-a

Yii a Sufyaan ɭbn ʿAbdʋllaah Aṯ-ṯaƙafiyyi nengẽ, (Wẽnd yard be a yĩnga), a yeelame: M yeelame: yaa Wẽnd Tẽn-tʋʋmã, wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga».A Muslim la a Ahmad n togs-a

Yii a Abɩɩ Hʋrayra nengẽ, -Wẽnd yarbe be a yĩnga-, tɩ Wẽnd Tẽn-tʋʋmã, -Wẽnd pʋʋsg la A tɩlgr be a yĩnga-, yeelame: «Dũni wã ka yikdi halɩ tɩ wĩntoogã wa tʋg n puk a sẽn lʋɩtẽ wã, rẽnd a sã n wa tʋg n puk a sẽn lʋɩt zĩig ningã, tɩ nebã yã-a, b fãa gill na n kõo sɩda, la rẽnda la Wẽnd sẽn yeele : {yõor sɩd-kũun pɑ le nɑfd-ɑ, t'a sã n dɑ pɑ kõ sɩd mɑɑ ɑ tʋmɑ ɑ sɩd-kũunã pʋgẽ sẽn sõmb ye.} [Al-An-Aam: 158], la dũni wã na n yikame, n mik tɩ raoap a yiibu, n tẽeg fuugu, n rat n na koose, b ka na n paam n koos-a ye, b ka na n paam n põd-a tɩ dũni ka yik ye, la dũni na n yika ned zugu, tɩ mik t’a ra kẽng n tɩ pẽe a yʋgʋmde, bĩisim la a ka na n paam yũ-a ye, dũni na n leb n yikame n mik tɩ ned manegd a garga la a ka na n yũ a pʋgẽ ye, la dũni na n yikame n mik tɩ yãmb nina yaa sẽn zẽk a sag-võre n rabd a noorẽ wã la a ka na n rɩ-a ye».B zemsa taab a zugu (A Al-Bʋẖaariy la a Muslim n reeg-a)

Yii a Abɩɩ Hurayra nengẽ, -Wẽnd yard be a yĩnga-, tɩ Wẽnd Tẽn-tʋʋmã, -Wẽnd pʋʋsg la A tɩlgr be a yĩnga-, yeelame: «Yãmb dũni bugmã yaa Gεhannam Bugmã sẽn pʋɩ zĩis pîs-yopoe bεk a yembre », la b yeel yã: yaa Wẽnd Tẽn-tʋʋma, ad yẽ meng sekame, la a yeel yã : «ad laahr Bugmã b yɩɩs-a-la dũni bugmã noor pis-yoob la a wae, a yembr fãa yaa wala dũni bugmã tʋʋlem».B zemsa taab a zugu (A Al-Bʋẖaariy la a Muslim n reeg-a)

Yii a Abdullaah ɭbn Amr ɭbn Al-Ass nengẽ, Wẽnd yard be b yiibã yĩnga, a yeelame: m wʋma Wẽnd Tẽn-tʋʋma, Wẽnd pʋʋsg la A tɩlgr be a yĩnga t’a yetẽ : «Wẽnd gʋlsa bõn-naandsã pʋlenga, taoor t’A na n ka naan saasã la tẽngã, yʋʋm tus pis-nu, a yeelame : « la Wẽnd Gueela ra bee koomã yĩngri ».A Muslim n togs-a

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd-Tẽn-tʋʋmã (Wẽnd pʋʋsg la A tɩlgr be a yĩngɑ) a yeelame-: «Ned ning sẽn yaga maam ne pʋ-toogo, bɩ a bao a gãag zĩig Bugumẽ wã».B zemsa taab a zugu (A Al-Bʋẖaariy la a Muslim n reeg-a)

Yii a Abdʋllaah ɭbn Amr nengẽ, Wẽnd yard be b yibã yĩnga, a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ».A Abʋʋ Daawʋʋd la a At-tirmiiziy la a An-nasaa'ɩy n togs-a Al-kʋbraa wã pʋgẽ la a Ahmad

Yii a Ʋbay ɭbn Ka’ab nengẽ, Wẽnd yard be a yĩnga, a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «Yaa a Abʋʋ Munzire, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? a yeelɑme : tɩ mɑm yeele : Wẽnd la A tẽn-tʋʋmã n yɩɩd minim ne rẽ, t’a yeele : « a Abʋʋ Munziri, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? » a yeele: tɩ mam yeele {Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑa Vɩta vʋɩɩm sẽn pid Soɑbɑ, n yɑɑ a Mɑɑn-m-toor Soɑbɑ} [Albaƙara : 255]. T’a yeele : tɩ Nabiyaamã wẽ mam sũurã n yeel-ma : « m wẽen ne Wẽnde, ad bãngr na pʋʋs-f zu-noogo, a Abaa Munziri».A Muslim n togs-a

Yii a ʿAbdʋllaah ɭbn ʿAmbr nengẽ (Wẽnd yard be b yiibã yĩngɑ) t'ɑ wʋma Nabiyaamã (Wẽnd pʋʋsg la A tɩlgr be a yĩngɑ) t'ɑ yetẽ: «Yãmb sã n wʋm laandãan boaandã sẽn boonde, bɩ y yeel wala a sẽn yetã, rẽ poorẽ bɩ y pʋʋs maam, ad ned ning sẽn pʋʋsa maam pʋʋsg a yembre, Wẽnd rond-a lame ne pʋʋsg-kãngã, pʋʋsg piiga, rẽ poorẽ bɩ y kos Naab A Wẽnd dargε zẽnkdgã n kõ-mɑ, bala a yaa dargε sẽn be arzãn pʋgẽ, ned ka sõmb ne-a rẽnda yamb a yembr sẽn yi Wẽnd yembsã pʋgẽ, tɩ mam nong n rat tɩ yɩ maam, rẽnd ned ning sẽn kosa dargε zẽkdgã n kõ maam, mam sugsgã na n paama a soabã».A Muslim n togs-a

Yii a Anass ɭbn Maalik nengẽ ( Wẽnd yard be a yĩnga): tɩ yii Nabiyaamã, (Wẽnd pʋʋsg la A tɩlgr be a yĩnga) t'a yeelame: «Ned ning sẽn yĩma Pʋʋsgo, bɩ a pʋʋs-a a sẽn wa n tẽege, a ka tar sẽn na n maan n role, sã n ka woto ye: {yãnes Pʋʋsgã Mɑm yʋʋrã tẽegr yĩnga}: [Toɑhɑɑ: 14]».B zemsa taab a zugu (A Al-Bʋẖaariy la a Muslim n reeg-a)

Yii a Abɩɩ Ƙataada As-salamiyy nengẽ, (Wẽnd yard be a yĩnga) tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame: «Yãmb yembr fãa sã n kẽ miisri, bɩ a maan rakaar a yiibu taoor t'a na n ka zĩnd ye».B zemsa taab a zugu (A Al-Bʋẖaariy la a Muslim n reeg-a)

Yii a Abɩɩ Hʋmayd nengẽ bɩ yaa a Abɩɩ Ʋsayd nengẽ, a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeelame: «Yãmb yembr fãa sã n na n kẽ miisrẽ bɩ a yeele: Allahʋmma ɭftahlɩɩ abwaaba Rahmatɩka, (M Soab A Wẽnde, pak F Yolsgã ragnoy n kõ-ma). la a sã n na n yi, bɩ a yeele: Allahumma Innii As'alʋka min faḍlɩka, (M Soaba A Wẽnde, m kot-F la F yɩɩdlemã)».A Muslim n togs-a

Yii a Gεεbir nengẽ (Wẽnd yard be ɑ yĩngɑ) ɑ yeelɑme: m wʋma Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) t'ɑ yetẽ: «Ad bũmb ning sẽn be ne ned la lagem-n-taarã la kɩfẽndã sʋka, yaa Pʋʋsg basbo».A Muslim n togs-a

Yii a Abʋʋ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋm (pʋʋsg la tɩlgr be a yĩng) yeelame-: «Nebã sẽn yɩɩd wẽng ne wagdem yaa ned ning sẽn zuuda a Pʋʋsgã pʋgẽ».. Tɩ b yeele: a na n zu a Pʋʋsgã wãn-wãnã? T'ɑ yeele: «a ka pidsda a rukuu wã, ka a suguudã».A ɭbn Hɩbbaan n togs-a

Yii a ɭbn Abɩɩ awfaa nengẽ (Wẽnd yard be ɑ yĩngɑ) a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme t'a sã n roog a poorã n yi rukuẽ wã Pʋʋsgã pʋgẽ, a yetame: «(Samiʿ Allaah lɩman hamɩdahʋʋ, Allaɑhumma Rabbɑnɑɑ lɑkɑl-hɑmdʋ, mil'ʋ-ssɑmɑɑwɑɑtɩ wɑl Ardi, wɑ mil'ʋ mɑɑ sɩ'itɑ min sɑy'ɩn bɑ'ad». = Wẽnd wʋma ned ning sẽn pẽg-A wã, d Soɑb ɑ Wẽnde pẽgr be ne Fo, sẽn pit sɑɑsã lɑ tẽngã, lɑ Fo sẽn tʋll bũmb ning fãɑ gilli».A Muslim n togs-a

Yii ɑ ʿƲsmaan ɭbn Abɩɩ ʿAl-aaṣ nengẽ (Wẽnd yɑrd be ɑ yĩngɑ): T'a waa Nabiyaamã nengẽ (Wẽnd pʋʋsg la A tɩlgr be a yĩnga) n yeele: Wẽnd Tẽn-tʋʋmã, ad a sʋɩɩtãan gɩdga maam ne m Pʋʋsgã la m karengã sʋka, n liibd maɑm, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeel-a: «Yãwã yaa sʋɩɩtãan b sẽn boond tɩ Hinzib, fo sã n wa paam-a f Pʋʋsgã pʋgẽ, bɩ f kos gũudum ne Wẽnd n yi-a la f tʋbs f goabgã wεεngẽ noor a tãabo», a yeelame, tɩ mam maan woto, tɩ Wẽnd rig-a n yi maam.A Muslim n togs-a